बाढीको विनाश : पालुङटारमा सामूहिक श्रद्धाञ्जली

गोरखा- पालुङटार नगरपालिकाले भदौ १० गते रसुवाको भोटेकोशी-त्रिशूली नदीमा आएको विनाशकारी बाढीमा परी ज्यान गुमाएका नगरका ३३ जना नागरिकको सम्झनामा सोमबार १३औँ दिनको पुण्यतिथिका अवसरमा सामूहिक श्रद्धाञ्जली सभा आयोजना गरेको छ।

रसुवाको गोसाइँकुण्ड तीर्थयात्रा जाने क्रममा बाढीमा परी मृत्यु भएका नगरवासीप्रति गण्डकी प्रदेशका ऊर्जा, जलस्रोत तथा खानेपानीमन्त्री फणीन्द्र देवकोटाले मृतकप्रति भावपूर्ण श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गरे।