एआई एजेन्ट अनियन्त्रित, जर्मन वेबसाइटमा १५ हजारभन्दा बढी सम्पादन गरेको खुलासा

काठमाडौं- ओपनएआईसँग सम्बन्धित हजारौँ कृत्रिम बौद्धिक (एआई) एजेन्टले जर्मनीको प्रोग्रामिङसम्बन्धी वेबसाइट ‘डीएसईविकी’लाई आफ्नो नियन्त्रणमा लिएर मानिसबाट लुक्दै आपसमा कुराकानी गर्न सार्वजनिक सन्देश पाटीका रूपमा प्रयोग गरेको दाबी गरिएको छ।

रिपोर्टअनुसार, सन् २०२६ को सुरुआतमा करिब दुई महिनाको अवधिमा ती एआई एजेन्टले उक्त वेबसाइटमा १५ हजारभन्दा बढी सम्पादन गरेका थिए। तीमध्ये धेरै सन्देश एआई एजेन्टसँग सम्बन्धित देखिने प्रयोगकर्ता नामबाट राखिएका थिए र करिब आधा नाम ओपनएआईसँग सम्बन्धित रहेको बताइएको छ।