जनगुनासो बढेपछि नेपाली सेनाले खोजी र शव संकलनमा दियो तीव्रता

काठमाडौं : रसुवाको भोटेकोशीमा बुधबार आएको विनाशकारी बाढीपछि बेपत्ता भएका नागरिकको खोजी तथा शव व्यवस्थापनमा ढिलाइ भएको भन्दै जनगुनासो बढेपछि नेपाली सेनाले आफ्नो अभियान (अपरेसन) लाई थप तीव्र बनाएको छ।

शव संकलन तथा खोजी कार्य सुस्त भएको भन्दै जनस्तरबाट उठेका गुनासोलाई गम्भीरतापूर्वक लिँदै सेनाले विशेष टोली परिचालन गरी धमाधम शव संकलन गरिरहेको छ। बाढीले तल्लो तटीय क्षेत्रसम्म बगाएर ल्याएका शवहरूको खोजी गर्न रसुवादेखि चितवनसम्मको नदी तटीय क्षेत्रमा आज थप १२०० सैनिक जनशक्ति परिचालन गरेकाे छ ।