दिल्लीमा ४३.५ डिग्री सेल्सियस, तर किन हुन्छ ६४ डिग्रीको गर्मी ?

भारतीय राजधानी दिल्ली केही सातायता प्रचण्ड गर्मीसँग जुधिरहेको छ । हरेक दिन तापक्रम ४० डिग्री सेल्सियसभन्दा माथि पुगिरहेको छ । मौसमसम्बन्धी एपहरूले भने ‘रियल फिल’ अर्थात् शरीरले महसुस गर्ने तापक्रम प्रायः वास्तविक तापक्रमभन्दा बढी नै देखाइरहेका छन् । सडकमा निस्किँदा वास्तवमै अत्यधिक गर्मी महसुस हुन्छ ।

मंगलबार भारत मौसम विज्ञान विभाग (आईएमडी) ले दिल्लीको अधिकतम तापक्रम ४३.५ डिग्री सेल्सियस रेकर्ड गरेको थियो । तर थर्मल क्यामेरासहित दिनभरि सहरका विभिन्न स्थानमा गरिएको अवलोकनले भने केही स्थानमा सतहको तापक्रम ६४ डिग्री सेल्सियससम्म पुगेको देखाएको छ ।