रिपब्लिकन सांसदले नै तोडे ट्रम्पको लाइन : युक्रेन सहायता र रुसमाथि प्रतिबन्धको विधेयक पारित

वासिङ्टन डीसी । अमेरिकी प्रतिनिधिसभाले युक्रेनलाई अर्बौँ डलरको सैन्य सहायता दिने र रुसमाथि कडा आर्थिक प्रतिबन्ध लगाउने विधेयक पारित गरेको छ। राष्ट्रपति डोनाल्ड ट्रम्प र आफ्नै रिपब्लिकन पार्टी नेतृत्वको स्पष्ट विरोधका बिच यो विधेयक पारित भएको हो।

प्रतिनिधिसभामा भएको मतदानमा विधेयकको पक्षमा २२६ मत र विपक्षमा १९५ मत परेको थियो। यस विधेयकले रूसको तेल तथा ग्यास क्षेत्रमाथि कडा प्रतिबन्ध लगाउने, साथै रुसका बैंक, खानी तथा सरकारी संस्थामाथि आर्थिक दबाब बढाउने व्यवस्था गरेको छ।