कमजोर पासवर्डले निम्त्याउन सक्छ ठूलो जोखिम, यी गल्ती नगर्नुहोस्

काठमाडौं । सामाजिक सञ्जालदेखि इमेल, बैंकिङ तथा विभिन्न मोबाइल एपसम्म अहिले अधिकांश डिजिटल सेवामा पासवर्ड अनिवार्यजस्तै बनेको छ । तर, सहजै सम्झन सकिने वा एउटै पासवर्ड विभिन्न खातामा प्रयोग गर्ने बानीले प्रयोगकर्ताको डिजिटल सुरक्षा जोखिममा पार्न सक्छ ।

साइबर सुरक्षाका लागि बलियो पासवर्ड प्रयोग गर्नु आधारभूत आवश्यकता हो । विशेष गरी सामाजिक सञ्जालका खातामा कमजोर वा अनुमान गर्न सजिलो पासवर्ड राख्दा अनधिकृत पहुँचको जोखिम बढ्न सक्छ । त्यसैले पासवर्ड बनाउँदा केही सामान्य गल्तीबाट जोगिन आवश्यक हुन्छ ।