५० हजार घुस लिने कलंकी नापीका अधिकृत र सर्वेक्षकविरुद्ध भ्रष्टाचार मुद्दा दायर

जग्गा हालसाविक गरी प्लट मिलान गरिदिने बहानामा सेवाग्राहीसँग ५० हजार रुपैयाँ घुस लिएको आरोपमा नापी कार्यालय कलंकीका तत्कालीन दुई कर्मचारीविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको छ।

अख्तियारले नापी कार्यालय कलंकीका तत्कालीन नापी अधिकृत हिरालाल पाँधे र तत्कालीन सर्वेक्षक अमित कुमार श्रेष्ठविरुद्ध बिगोबमोजिम जरिवाना र कैद सजाय मागदाबी गर्दै आरोपपत्र दायर गरेको हो।