अपी हिमालको फेदीमा क्रिकेटको गुञ्जन: सामाजिक सञ्जालदेखि पर्यटनसम्म नयाँ सम्भावना

दार्चुला । सुदूरपश्चिमको सबैभन्दा उचाइको सात हजार १३२ मिटर अग्लो अपी हिमाल वरिपरि सेताम्मे हिमशृङ्खला, तल हरियो घाँसेमैदान, भेडाबाख्राको बथान र यार्सागुम्बा सङ्कलन गर्न पुगेका युवाहरूको चहलपहल देखिन्छ ।

यही अपी हिमालको काखमा रहेको अपी बेसक्याम्प, जसलाई स्थानीय भाषामा ‘पिलकन्द पैदान’ भनिन्छ, अहिले क्रिकेट खेलिने मैदानका कारण नयाँ परिचय बनाइरहेको छ । त्यही हिमाली मैदानमा गुन्जिने ब्याट र बलको आवाज अहिले दार्चुलाको अपी हिमाललाई सामाजिक सञ्जालदेखि पर्यटन चर्चासम्म पुर्‍याउने माध्यम बनेको छ ।