गण्डकीका जनताका घरघरै धारा पुर्‍याउन १ अर्ब ७ करोड बजेट

पोखरा । गण्डकी प्रदेश सरकारले आगामी वर्ष प्रदेशका जनताको घरघरमा धारा पुर्‍याउन १ अर्ब भन्दा बढी बजेट विनियोजन गरेको छ । स्वच्छ पानी, स्वस्थ जीवन भन्ने मूल नाराका साथ बहुवर्षीय खानेपानी आयोजनाहरू सम्पन्न गर्न १ अर्ब ७ करोड रुपैयाँ विनियोजन गरेको हो ।

विगतदेखि सञ्चालनमा रहेका आयोजनाहरूलाई तीव्रता दिँदै एक घर, एक धारा कार्यक्रमलाई निरन्तरता दिइएको अर्थमन्त्री जितबहादुर शेरचनले जानकारी दिए ।