वृद्ध दम्पतीलाई बन्धक बनाई लुटपाट, पाँच जना पक्राउ

काठमाडौं– रामेछापको खाँडादेवी गाउँपालिका–२, मझुवा नेवारटोलमा ८५ वर्षीय बखतमान लामा र ८६ वर्षीया कान्छीमाया तामाङलाई घरभित्रै बन्धक बनाई लुटपाट गर्ने गिरोहका पाँच जनालाई प्रहरीले पक्राउ गरेको छ।

भक्तपुरका विभिन्न स्थानबाट लुटिएका सामान, नगद र प्रयोग गरिएका सवारीसाधनसहित उनीहरूलाई शनिबार नियन्त्रणमा लिइएको हो। गत बिहीबार राति नकाबधारी समूहले वृद्ध दम्पतीको हात टेपले बाँधी, मुख र आँखा थुनेर ज्यान मार्ने धम्की दिँदै गरगहना तथा नगद लुटपाट गरी फरार भएका थिए।