बलिङमा शानदार पुनरागमन गर्दै दोस्रो अभ्यास खेलमा पनि नेपालको जित

११ भदौ, काठमाडौं । एसीसी प्रिमियर कपको तयारीमा रहेको नेपाली क्रिकेट टोलीले दोस्रो अभ्यास खेलमा पनि मलेसियालाई पराजित गरेको छ । नेपालले २७ रनको जित निकाल्दै लगातार दोस्रो अभ्यास खेल आफ्नो पक्षमा पार्‍यो ।

पहिले ब्याटिङ गरेको नेपाल ४१.४ ओभरमा १७० रनमा अलआउट भएको थियो । एक समय ३८–५ को संकटमा परेको नेपाललाई रोहित पौडेलले ६१ रनको उत्कृष्ट इनिङ्स खेल्दै उकासे ।