बाराको त्रिवेणी मिल्समा लागेको आगो नियन्त्रणमा

काठमाडौँ । बाराको जितपुर सिमरा उपमहानगरपालिका–९ स्थित त्रिवेणी स्पिनिङ मिल्समा लागेको आगो नियन्त्रणमा आएको छ । बिहान १० बजेतिर लागेको आगलागी नियन्त्रणमा आएको बाराका एसपी नरेन्द्र कुँवरले रातोपाटीलाई बताए ।

आगलागीमा भएको भौतिक क्षतिको विवरण आउन बाँकी रहेको एसपी कुँवरले जानकारी दिए । सुरक्षाकर्मीले ११ वटा दमकलको सहयोगमा आगो नियन्त्रणमा लिएका हुन् । घटनामा मानवीय क्षति भएको छैन । विद्युत् सर्ट भएर आगलागी भएको प्रहरीको प्रारम्भिक अनुसन्धान निष्कर्ष छ ।