विनायक सिद्ध (भीएस) कलेजमा कक्षा ११ का विद्यार्थीलक्षित ओरिएन्टेसन कार्यक्रम सम्पन्न

काठमाडौं । चाबहिलमा अवस्थित विनायक सिद्ध (भीएस) कलेजमा कक्षा ११ मा नयाँ भर्ना भएका विद्यार्थीहरूका लागि एक भव्य ओरिएन्टेसन कार्यक्रम सम्पन्न भएको छ। कलेज प्रशासन, प्राध्यापक तथा नयाँ विद्यार्थीहरूको उत्साहजनक उपस्थितिमा उक्त कार्यक्रम आयोजना गरिएको हो।

कार्यक्रमलाई सम्बोधन गर्दै कलेजका प्रमुख रामकृष्ण सिम्खडाले कलेजको नयाँ शैक्षिक सत्रमा प्रवेश गरेका सम्पूर्ण विद्यार्थीहरूलाई विनायक सिद्ध परिवारमा स्वागत गरे । उनले विद्यार्थीहरूलाई कलेजमा बिताउने दुई वर्षको अवधि उनीहरूको जीवनको मार्गचित्र कोर्ने महत्वपूर्ण समय भएको बताए ।