रुपन्देही अदालतले पनि फिर्ता लियो रवि-जीवीविरुद्धको संगठित अपराध र सम्पत्ति शुद्धीकरणको मुद्दा

रुपन्देही । रुपन्देही जिल्ला अदालतले रास्वपा सभापति रवि लामिछानेविरुद्ध चलेको संगठित अपराध र सम्पत्ति शुद्धीकरणको अभियोग फिर्ता लिएको छ । रविसँगै यो मुद्दामा मुछिएका जीवी राई, कुमार रम्तेललगायत पनि सहकारी ठगी बाहेकका अरू अभियोगबाट मुक्त भएका छन् ।

यसअघि जिल्ला अदालत कास्की र पर्साले सहकारी ठगीबाहेकका अभियोग फिर्ता लिएका थिए । रविविरुद्ध देशभरका ५ वटा अदालतमा मुद्दा अघि बढेको थियो । त्यसमध्ये चार वटामा सहकारी ठगीसँगै संगठित अपराध र सम्पत्ति शुद्धीकरणका मुद्दा पनि थिए । अब यी दुई मुद्दा काठमाडौंमा मात्रै बाँकी छ । सहकारी ठगीको मुद्दा भने पाँचवटै अदालतमा विचाराधीन रहेको छ ।