बाढी प्रभावित ठाउँमा के गर्दैछन् हर्क साम्पाङ ?

राजनीतिमा आएपछि भाषणभन्दा ‘श्रम’लाई आफ्नो पहिचान बनाउँदै आएका श्रम संस्कृति पार्टीका अध्यक्ष हर्क साम्पाङ अहिले फेरि भाषण गर्ने ठाउँमा होइन, बाढीले तहसनहस पारेको बस्तीमा भेटिन थालेका छन्।

भोटेकोशी बाढीपछि राहत र उद्धारमा सरकारको कामप्रति असन्तुष्टि जनाउँदै आएका साम्पाङ दुई दिनअघि पार्टीका केही नेता र ‘श्रमदाता’को टोलीसहित नुवाकोट पुगे। अहिले उनको टोली बेत्रावतीको माथिल्लो केराबारी र तल्लो केराबारीमा राहत, उद्धार र पुनःस्थापनाको काममा खटिएको छ।