सुदूरपश्चिम सरकारको न्यूनतम साझा कार्यक्रम सार्वजनिक, भदौभित्रै बजेट ल्याउने तयारी

बजेट निर्माणको तयारीमा रहेको सुदूरपश्चिम प्रदेश सरकारले न्यूनतम साझा कार्यक्रम सार्वजनिक गरेको छ। मुख्यमन्त्री खगराज भट्ट र सत्तारूढ दल नेकपा एमालेका संसदीय दलका नेता राजेन्द्रसिंह रावलले हस्ताक्षर गरेको न्यूनतम साझा कार्यक्रम सोमबार पत्रकार सम्मेलनमार्फत सार्वजनिक गरिएको हो।

न्यूनतम साझा कार्यक्रममा रोजगारी सिर्जना, शिक्षा, स्वास्थ्य, कृषि तथा पूर्वाधार विकासलाई प्राथमिकतामा राखिएको छ। प्रदेशको दिगो तथा बहुआयामिक विकास, सुशासन, सामाजिक न्याय, भौतिक पूर्वाधार निर्माण तथा आर्थिक रूपान्तरणलाई केन्द्रमा राखेर कार्यक्रम ल्याइएको मुख्यमन्त्री भट्टले बताए। उनले भदौ मसान्तभित्र चालु आर्थिक वर्षको बजेट ल्याउने तयारी भइरहेको जानकारी दिए।