टिमुरे भन्सारका कर्मचारी आफू मुस्किलले बाँचे, अहिले १५ साथी खोज्दै छन्

२२ भदौ, काठमाडौं । बाढी आएको दिन रसुवा भन्सार कार्यालय टिमुरेमा कार्यरत थिए, ललित लामिछाने । बिहान ७ बजे उठेर अघिल्लो दिनको बाँकी काम सक्न उनी साढे ७ बजे नै कार्यालय पुगेका थिए ।

‘चिठी–पत्र तयार गरेर राजेन्द्र ढुंगाना सरलाई हस्ताक्षर गराई सम्बन्धित पार्टी र बैंकको नाममा इमेल गर्दै थिएँ,’ उनले भने, ‘एक्कासि विद्युतको ट्रान्सफर्मर पड्के जस्तो, हेलिकप्टर दुर्घटना भए जस्तो आवाज आयो ।’