इरानलाई पुनः पहुँच दिन आईएईए प्रमुखको आग्रह

काठमाडाैँ । इरानका प्रमुख आणविक सुविधाहरूमा आईएईएलाई पहुँच दिएमा यसले इरानका लागि ‘सकारात्मक प्रभाव’ पर्ने अन्तर्राष्ट्रिय आणविक ऊर्जा निकाय (आईएईए) का प्रमुख राफेल ग्रोसीले सोमबार बताउनुभएको छ । एएफपीले प्राप्त गरेको एउटा मस्यौदा प्रस्तावमा यो बिषयबारे छलफल गर्न तेहरानलाई संयुक्त राष्ट्रसङ्घ सुरक्षा परिषद्मा पठाउने प्रस्ताव गरिएको छ।

आणविक स्थलहरूमाथि पनि हमला भएको सन् २०२५ जुनमा इजरायलले अमेरिकाको साथमा १२ दिने द्वन्द्व सुरु गरेपछि आईएईएलाई इरानका प्रमुख आणविक सुविधाहरूमा पहुँच छैन। फेब्रुअरी २८ मा सुरु भएको पछिल्लो युद्धमा पनि आणविक सुविधाहरूमाथि हमला भएको थियो र आईएईएले बारम्बार पहुँचको माग गर्दै आएको छ।