नेपाल भलिबल लिगः अन्नपूर्णको लगातार दोस्रो जित

पहिलो संस्करणको नेपाल भलिबल लिग (एनभिएल) २०२६ मा अन्नपूर्ण स्पाइकर किङ्सले लगातार दोस्रो जित दर्ता गरेको छ । दोस्रो जित हासिल गर्ने क्रममा उसले आज मधेस वारियर्सलाई ३-१ को सेटको अन्तरले हराएको हो ।

त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा सम्पन्न खेलमा अन्नपूर्णले पहिलो सेट १६-२५ ले जित्दै अग्रता लिएको थियो । दोस्रो सेटमा भने मधेस वारियर्स ३१-२९ ले विजयी भयो । तेस्रो र चौथो सेटमा मधेस क्रमशः २२-२५ र २१-२५ ले पराजित भयो ।