बाढीपीडितका लागि नासा नेपालको १ लाख सहयोग

१२ भदौ, काठमाडौं । भोटेकोशी र त्रिशूली नदीमा आएको विनाशकारी बाढीबाट प्रभावित नागरिकको राहत तथा पुनःस्थापनाका लागि नेपाल अटोमोबाइल्स एसोसिएसन (नासा नेपाल) ले प्रधानमन्त्री दैवी प्रकोप उद्धार कोषमा १ लाख रुपैयाँ सहयोग गर्ने घोषणा गरेको छ ।

नासा नेपालले बाढीमा परी ज्यान गुमाएकाहरूप्रति हार्दिक श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गरेको छ । साथै, घाइतेहरूको शीघ्र स्वास्थ्यलाभको कामना गर्दै बेपत्ता व्यक्तिको खोजी तथा उद्धार अभियानमा सबैलाई आफ्नो स्थानबाट सहयोग गर्न आग्रह गरेको छ ।