काठमाडौँमा ग्यासको अभाव, निगम भन्छ - तीन दिनमा ८७ हजार सिलिन्डर आयो [तस्बिरहरू]

काठमाडौँ । काठमाडौँ उपत्यकामा खाना पकाउने एलपी ग्यासको अभाव देखिएपछि सर्वसाधारण सिलिन्डर लिन घण्टौँसम्म लाइनमा बस्न बाध्य भएका छन् । सिफललगायत काठमाडौंका विभिन्न स्थानमा ग्यास वितरण केन्द्रमा सर्वसाधारणको लामो लाइन लागेको छ । ग्यास नपाउँदा विद्यार्थी, श्रमिक तथा डेरामा बस्नेहरू थप समस्यामा परेका छन् ।

सिराहा घर भई काठमाडौँमा बसेर स्नातक तह अध्ययन गरिरहेका एक विद्यार्थीले आफू दुई–तीन दिनदेखि ग्यासको लाइनमा बसेको बताए। उनका अनुसार एक जनालाई एउटा मात्र सिलिन्डर दिने गरिएको छ।