प्रहरी हिरासतमा कृष्ण विकको मृत्यु : निष्पक्ष छानबिन गर्न दलित आयोगको माग

काठमाडौँ । सिन्धुलीको सुनकोशी गाउँपालिका–३ निवासी २२ वर्षीय कृष्ण विकको प्रहरी हिरासतमा रहेकै बेला मृत्यु भएको घटनाप्रति राष्ट्रिय दलित आयोगले आफ्नो गम्भीर ध्यानाकर्षण भएको जनाएको छ ।

ललितपुरको सातदोबाटोबाट वैशाख ३ गते पक्राउ परेका विकलाई सिन्धुलीको इलाका प्रहरी कार्यालय खुर्कोटमा राखिएको अवस्थामा वैशाख ७ गते बिहान मृत फेला पारिएको थियो। प्रहरी नियन्त्रणमा रहेको व्यक्तिको शंकास्पद मृत्यु भएको भन्दै पीडित परिवारले न्यायिक छानबिनको माग गरिरहेका छन् ।