हलीको टिजर: छाउपडीविरुद्धको आवाज

आगामी साउन २२ गते रिलिजमा आउने फिल्म हलीले छाउपडी प्रथाविरुद्ध गहिरो आवाज उठाएको छ।

फिल्मको हालै सार्वजनिक एक मिनेट २८ सेकेण्डको टिजरले नेपाली समाजमा अझै केही स्थानमा विद्यमान छाउपडी प्रथाको अमानवीय पक्षलाई केन्द्रमा राखेको छ। महिनावारी भएकी छोरीलाई छाउगोठमा राख्ने परम्परा, त्यसक्रममा आफ्नै परिवारका सदस्य र बुबाको समेत अनुहार हेर्न नपाइने सामाजिक मान्यताले सिर्जना गर्ने पीडा टिजरमा प्रभावशाली ढंगले प्रस्तुत गरिएको छ। टिजरमा छाउगोठमा बस्न बाध्य पारिएकी एक बालिकाले भोग्ने कष्ट र त्यसविरुद्ध एक शिक्षित युवाले समाजकै विरुद्ध कानुनी लडाइं सुरु गरेको प्रसङ्ग देखाइएको छ।