विश्वकपबाट बाहिरिएपछि रोनाल्डो भावुक: 'भावनामै बगेर संन्यास लिन्न'

काठमाडौँ । पोर्चुगलका स्टार स्ट्राइकर क्रिष्टियानो रोनाल्डोले आफ्नो अन्तिम फिफा विश्वकपको यात्रा ट्रफीबिनै टुङ्गिएकोमा गम्भीर दुःख व्यक्त गरेका छन्। विश्वकपको नतिजा सोचेजस्तो नभए पनि पोर्चुगलको राष्ट्रिय टोलीबाट आफ्नो भविष्यलाई लिएर हतार र आवेगमा कुनै निर्णय नगर्ने उनले प्रष्ट पारेका छन्।

राउन्ड अफ–१६ को खेलमा स्पेनसँग १–० को नतिजा सुम्पिँदै पोर्चुगल विश्वकपबाट बाहिरिएपछि सञ्चारकर्मीहरूसँग कुरा गर्दै रोनाल्डोले देशका लागि मैदानमा आफ्नो शतप्रतिशत दिएकाले मनमा कुनै पछुतो नरहेको बताए। "यसरी विश्वकपबाट बाहिरिनुपर्दा पीडा त हुन्छ नै, तर मेरो अन्तस्करण सफा छ," रोनाल्डोले भने, "यो मेरो अन्तिम विश्वकप थियो। अब केही समय परिवारसँग शान्त भएर बिताउनेछु र भविष्यबारे सोच्नेछु। भावनामा बगेर हतारमा कुनै निर्णय गर्नेछैन।"