खुटिया–दिपायल द्रुतमार्गका लागि हस्ताक्षर अभियानमा धनगढी उपमहानगरको साथ

धनगढी । खुटिया–दिपायल द्रुतमार्ग निर्माणको मागलाई थप सशक्त बनाउन सञ्चालन भइरहेको हस्ताक्षर अभियानका लागि धनगढी उपमहानगरपालिकाले डोटीस्थित शैलेश्वरी मन्दिर गुठीलाई ११ वटा रजिस्टर सहयोग गरेको छ ।

सोमबार नगर प्रमुख गोपाल हमालको उपस्थितिमा प्रमुख प्रशासकीय अधिकृत जनकराज भट्ट र धनगढी उपमहानगरपालिका–३ का वडा अध्यक्ष राजबहादुर ऐरले गुठीका अध्यक्ष तथा शैलेश्वरी मन्दिरका मूल पुजारी प्रेमसागर भट्टलाई रजिस्टर हस्तान्तरण गरेका हुन् ।