कुलमान भन्छन्- नयाँको विकल्प पुरानो होइन, नयाँ नै हुन्छ

काठमाडौँ । देशमा स्थापित पुराना राजनीतिक दलहरू मात्र होइन, पछिल्लो समय ‘नयाँ’ को नारा दिएर सत्तामा पुगेका शक्तिहरूले समेत जनअपेक्षा पूरा गर्न नसकेको जनगुनासो बढिरहेका बेला उज्यालो नेपाल पार्टीले देशमा वास्तविक वैकल्पिक राजनीतिको नेतृत्व आफैँले गर्ने उद्घोष गरेको छ ।

पार्टीका अध्यक्ष कुलमान घिसिङले शुक्रवार काठमाडौँमा आयोजित एक कार्यक्रममा बोल्दै वर्तमान राजनीतिक परिदृश्यको निर्मम समीक्षा गरे । उनले अहिलेको अवस्थामा 'नयाँ' भनिएकाहरू चुक्नुको अर्थ जनता फेरि पुरानाकै शरणमा फर्किने नभई त्योभन्दा परिष्कृत र दूरदर्शी नयाँ शक्तिको उदय हुनु रहेको स्पष्ट पारे ।