स्पेनमा तातो लहरको ताण्डव: जुलाईको शुरूआतमै डेढ सयभन्दा बढीको मृत्यु

काठमाडौँ । स्पेनमा यस वर्षको दोस्रो चरणको घातक तातो लहर (लु) शुरु भएसँगै जुलाई महिनाको पहिलो केही दिनमै गर्मीका कारण डेढ सय भन्दा बढी व्यक्तिको मृत्यु भएको छ। स्पेनको स्वास्थ्य मन्त्रालय अन्तर्गतको दैनिक मृत्युदर निगरानी प्रणालीले सोमवार सार्वजनिक गरेको प्रतिवेदनअनुसार अत्यधिक बढ्दो तापक्रम र तातो हावाका कारण यी हताहती भएका हुन्।

यसअघि जुन महिनामा मात्रै गर्मीकै कारण १ हजार २९ जनाले ज्यान गुमाएका थिए। यो सङ्ख्या सन् २०१५ मा मृत्युदर निगरानी प्रणाली शुरु भएयताकै सबैभन्दा उच्च मासिक मृत्युदर हो। लगातारको खडेरी र कीर्तिमानी तापक्रमका कारण देशको जनजीवन नराम्ररी प्रभावित भएको छ।