तिब्बतको केरुङ नाकामा भीषण पहिरोः उद्धार टोली कठिन मार्ग हुँदै प्रभावित क्षेत्रतर्फ प्रस्थान

काठमाडौं ।

चीनको दक्षिण–पश्चिम क्षेत्रमा पर्ने तिब्बत स्वशासित क्षेत्रको केरुङ नाकामा भीषण पहिरो गएपछि उद्धारकर्मीहरू बिहीवार अति प्रभावित क्षेत्रतर्फ अघि बढेका छन् । पहिरोले सडक सञ्जाल पूर्ण रूपमा बगाएपछि उद्धार कार्यमा ठूलो चुनौती थपिएको छ । प्रभावित स्थलसम्म पुग्ने मुख्य बाटो अवरुद्ध भएपछि उद्धार टोलीले पहाडको कठिन भू–बनोट र भीरपहरा छिचोल्दै पैदल यात्रा तय गरिरहेका छन् । उद्धार कार्यमा खटिएका सुरक्षाकर्मीहरूकाअनुसार सडक पूर्ण रूपमा क्षतिग्रस्त भएकाले हाल पहाडको टाकुराबाट घुमेर अर्कोतर्फ जानुपर्ने बाध्यात्मक अवस्था सिर्जना भएको छ ।