बहसपत्र कार्यदलले संविधान पुनर्लेखन गर्न खोजेको भन्दै नेकपासहित तीन दलको विरोध

काठमाडौँ । तीन राजनीतिक दलहरूले सरकारद्वारा गठित ‘संविधान संशोधनका लागि बहसपत्र तयार गर्ने कार्यदल’को कार्यशैली र क्षेत्राधिकारमाथि गम्भीर प्रश्न उठाउँदै हालको प्रक्रियामा सहभागी नहुने चेतावनी दिएका छन् ।

लोकतान्त्रिक समाजवादी पार्टी (लोसपा), जनता समाजवादी पार्टी (जसपा) र नेपाल कम्युनिष्ट पार्टी (नेकपा) का प्रतिनिधिहरूले कार्यदलको औचित्य र वैधतामाथि प्रश्न उठाएका हुन् । उनीहरुले कार्यदलका संयोजकका नाममा लेखिएको पत्रमा संविधानको मूल मर्म र भावनाविपरीतका कार्यहरू भइरहेको आरोप लगाइएको छ।