निजामती सेवामा ५५–३० को त्रास बढेसँगै राजीनामा दिनेको लर्को

काठमाडौं । सरकारले निजामती सेवामा ५५–३० को कानुन लागु गर्ने गृहकार्यसँगै कर्मचारीतन्त्तमा राजीनामा दिनेको संख्या बढेको छ । असार लागेयता १५६ जनाले अनिवार्य अवकाश अगावै राजीनामा दिएका छन् । यही अवधिमा ५८ वर्ष उमेर हदका कारण अनिवार्य अवकाशमा जाने कर्मचारीको संख्या पनि १५६ नै रहेको छ ।

अनिवार्य अवकाशमा जानेभन्दा राजीनामा दिँदै बाहिरिनेको संख्या बढी भएको राष्ट्रिय किताबखाना (निजामती)का महानिर्देशक श्रवणकुमार पोखरेलले जानकारी दिए । उनले भने, ‘‘अवकाशको प्रवृत्ति विश्लेषण गर्दा अनिवार्य अवकाशभन्दा राजीनामा दिनेको संख्या तुलनात्मक रूपले बढी छ ।”