अबको विकल्प हाम्रो पार्टी हो,रास्वपाबाट जनताको भरोसा पूरा हुँदैन  - कुलमान घिसिङ

उज्यालो नेपाल पार्टीका अध्यक्ष कुलमान घिसिङले रास्वपाबाट जनताको अपेक्षा र भरोसा पूरा नहुने बताएका छन्। पार्टीको पहिलो युवा भेला तथा प्रवेश कार्यक्रमलाई सम्बोधन गर्दै उनले सरकार सफल होस् भन्ने चाहना भए पनि हालसम्मका कामकारबाही सन्तोषजनक नभएको टिप्पणी गरे।

उनले भने, ‘जनताले परिवर्तन खोजिरहेको छन्, परिवर्तनको लागि दुई तिहाइ मत दिएका छन्। यो सरकार सफल होस् भन्ने सुझाव छ। तर, सरकारले राम्रोसँग काम गर्न सकेन भनेर जनतालाई निराश हुन दिँदैनौँ। त्यसको प्रतिवाद गर्छौँ , हामी जनताको सबै समस्या सम्बोधन गर्ने गरी अघि बढ्छ।’