एसईई पूरक परीक्षाको नतिजा सार्वजनिक: ६४ प्रतिशत बढी उत्तीर्ण

काठमाडौँ । राष्ट्रिय परीक्षा बोर्डले कक्षा १० को माध्यमिक शिक्षा परीक्षा (एसईई) २०८२ अन्तर्गत सञ्चालन गरिएको ग्रेडवृद्धि (पूरक) परीक्षाको नतिजा आज सार्वजनिक गरेको छ।

गएको असार १ देखि ९ गतेसम्म सञ्चालन भएको परीक्षामा आवेदन दिएका कुल १ लाख ४८ हजार ५०७ परीक्षार्थीमध्ये १ लाख २९ हजार १९४ जना परीक्षामा सहभागी भएका थिए। सहभागी परीक्षार्थीहरूमध्ये ६४.६५ प्रतिशत अर्थात् ८३ हजार ५२३ जना उत्तीर्ण भएका छन्।