रास्वपा सरकारको पपुलिजम र त्रासको भरमा सुशासन र समृद्धि सम्भव छैन - शंकर पोखरेल

नेकपा एमालेका महासचिव शंकर पोखरेलले वैकल्पिक शक्तिका रूपमा उदाएको रास्वपाले स्पष्ट नीति, योजना र दृष्टिकोण प्रस्तुत गर्न नसकेको आरोप लगाएका छन् । रास्वपासँग वैकल्पिक शक्तिसँगै वैकल्पिक नीति हुने अपेक्षा जनतामा रहे पनि हालसम्म त्यसअनुसारको कार्यशैली नदेखिएको उनको भनाइ छ।

उनले भनेका छन्, ‘वैकल्पिक शक्तिका रूपमा उदाएको रास्वपासँग वैकल्पिक नीति पनि होला भनेर जनताले विश्वास गरे। तर, उनीहरूको कार्यशैली हेर्दा अहिलेसम्म कुनै स्पष्ट नीति, योजना र दृष्टिकोण देखिँदैन। उनीहरू स्पष्ट मार्गचित्र विना नै भयको सिद्धान्त का बलमा सत्तालाई एउटा प्रयोगशालाका रूपमा अभ्यास गरिरहेका छन्।’