गणेश नेपालीको मृत्युपछि वीर अस्पतालमा तनाव,सुरक्षाकर्मी तैनाथ

राहदानी विभाग अगाडि आत्मदाहको प्रयास गरेका मुगुका २५ वर्षीय गणेश नेपालीको उपचारका क्रममा वीर अस्पतालमा निधन भएपछि अस्पताल परिसरको सुरक्षा व्यवस्था कडा पारिएको छ। गम्भीर जलनका कारण भेन्टिलेटरमा उपचार गराइरहेका नेपालीको शुक्रबार बिहान मृत्यु भएको हो।

वीर अस्पताल परिसरमा गणेशका आफन्त लगायत सर्वसाधारणहरू भेला हुन थालेका हुन् । वीर अस्पताल परिसरमा मानिसहरूको भिड जम्मा हुन थालेपछि प्रहरीलाई पनि तैनाथ गरिएको छ । मुगुको सोरु गाउँपालिका–१ घर भई हाल भक्तपुर बस्दै आएका नेपालीको वीर अस्पतालको बर्न भेन्टिलेटरमा उपचार भइरहेको थियो ।