ट्रेलरमा धुर्मुस र सुन्तलीको ‘म त मर्छु कि क्या हो’

काठमाडौं– पछिल्लो समय सामाजिक काममा सक्रिय कमेडियन जोडी सिताराम कट्टेल ‘धुर्मुस’ र कुञ्जना घिमिरे ‘सुन्तली’को फिल्म ‘म त मर्छु कि क्या हो’को ट्रेलर सार्वजनिक भएको छ । धुर्मुसुन्तली युट्युब च्यानलमार्फत सार्वजनिक ट्रेलरमा कमेडीलाई प्राथमिकता दिइएको छ ।

ट्रेलरमा सीताराम ‘धुर्मुस’ र कुञ्जना ‘सुन्तली’कै चरित्रमा देखिएका छन् । फिल्ममा रवि गिरी, बुद्धी तामाङ, विजय बराल, पल्पसा डंगोल, बालदिप राई, सुमन कार्की, सुमन कोइराला, प्रमिला खनाल, घनश्याम गौतम, सुनिता घिमिरे, पुष्पा आचार्य र सुनिता थापालगायतको अभिनय छ ।