डढेलो नियन्त्रणका लागि रसुवामा पहिलोपटक दमकल प्रयोग

रसुवा । लाङ्टाङ राष्ट्रिय निकुञ्जको जङ्गलमा लागेको डढेलो नियन्त्रणका लागि पहिलोपटक दमकल प्रयोग गरिएको छ । निकुञ्जका वरिष्ठ संरक्षण अधिकृत श्यामकुमार शाहका अनुसार गोसाइँकुण्ड गाउपालिका—५ सानू र ठूलोभार्खुबीचको जङ्गलमा लागेको डढेलो नियन्त्रबाहिर गएपछि जिल्ला विपद् व्यवस्थापन समितिको सहयोगमा दमकल प्रयोग गरिएको हो ।

त्यसका लागि नुवाकोटको विदुर नगरपालिकाबाट दमकल मगाइएको उनले जानकारी दिए । पासाङल्हामु मार्गको डिलबाट दमकलले डढेलो निभाउनका लागि प्रयास भइरहेको वरिष्ठ संरक्षण अधिकृत शाहले बताए ।