उज्ज्वल ढकाल - Mar 01 2024 परिचय :
‘काले भालु’ कथा गीतेश प्याकुरेलले लेख्नुभएको हो । यस कथामा चित्र भर्ने काम सन्दीप कडेँलबाट भएको हो । यो कथा कथालय इन्क, काठमाडौँबाट प्रकाशन भएको हो ।
कथावस्तु :
चितवन जिल्लाको पटिहानी जङ्गलमा एक जोडी भालु दम्पती थिए । उनीहरूको एउटा काले भालु नाम गरेको छोरो थियो । ऊ धेरै चकचके स्वभावको थियो । आमा बुबाले उसलाई घरबाट निकाल्ने धम्की दिनुभयो । ऊ घर छोडेर गयो ।ऊ सौराहा पुग्यो । पर्यटकहरूले हात्तीको बच्चाको फोटो खिचेकाे देख्दा भालु छक्क पर्याे । एक जना नेचरलिस्टले दुरबिन लगाएर चारैतिर अवलोकन गर्न थाल्यो । अवलोकन गर्दा भालुलाई देख्यो । नेचरलिस्टले पर्यटकहरूलाई बोलाएर पुराण सुनाउन थाल्यो । पर्यटकहरू काले भालुको फोटो खिचिरहेका थिए । नेचरलिस्टले काले भालुको बारेमा बताइरहेको थियो । नेचरलिस्टको कुरा सुनेर काले भालु डरायो । ऊ डराएर धेरै टाढा पुग्यो । उसले आफ्ना बा आमालाई सम्झियो । अब उसले आफूले गरेको गल्तीप्रति पश्चाताप गर्याे । भालु धेरै भोकाएको थियो । भालुले खानेकुरा खोज्न धेरै प्रयास गर्याे । भालुले अरिङ्गालको चाका देख्यो र लार्भा खायो । मेहनतको फल मिठो हुन्छ भन्ने काले भालुले बुझ्यो । काले भालु लार्भाको स्वादमा मग्न थियो । ऊ लड्यो । ऊ बिस्तारै हिँड्दै खेतमा पुग्यो र आलु खान थाल्यो । त्यहीँ बेला किसानहरू आएर भालुलाई चुट्नु चुटे । ऊ रुँदै छटपटिन थाल्यो । चेपाङ मामा आएर उसलाई रूखमा डोरीले बाँधिदिए । चेपाङ मामा र काले भालु माइक्रो चढेर रत्नपार्क आइपुगे । रत्नपार्कमा बाजासहित भालुको नाँच प्रदर्शन हुने भयो । सबै उत्सुकतापूर्वक भालुको नाँच हेर्न थाले । चेपाङ मामा र काले भालु धनी भए । उनीहरूले मिठा मिठा खानेकुरा खाए र बैँकमा खाता खोलेर पैसा पनि जम्मा गरे । जनावरहरूलाई पाल्नु कानुनी अपराध हो भनेर मामाले भालुलाई सदर चिडियाखानामा छाडेर गाउँ गए । मामा तीन महिनापछि आए र उसले चिडियाखानाका सबै कुरा बतायो । यो भालु अहिले पनि सदर चिडियाखानामा छ ।
पात्रहरू :
यस कथाका मुख्य पात्रहरू काले भालु र चेपाङ मामा हुन् । सहायक पात्रहरूमा काले भालुका आमाबा, नेचरलिस्ट, पर्यटकहरू, आदि हुन् ।
परिवेश :
यो कथामा जङ्गल, खेत, खोला, सदर चिडियाखाना आदिको परिवेश समेटिएको छ।
निष्कर्ष :
यो कथा पढ्दा मलाई रमाइलो लाग्यो । यो कथामा हामीले आफूभन्दा ठुलाले भनेको कुरा मान्नुपर्छ भन्ने सन्देश दिन खोजिएको छ । म मेरा सबै साथीहरूलाई यो पुस्तक पढ्न अनुरोध गर्दछु ।
नाम : उज्ज्वल ढकाल
कक्षा : ३ ‘धवलागिरि’
डियरवाक सिफल स्कुल
पुस्तक समीक्षा : काले भालु
Liked by:
