कस्तो बनेको छ चलचित्र "ऐश्वर्य" ? - समीक्षा | Hamro Patro
DOWNLOAD APPS BY HAMRO PATRO

ब्लग - साहित्य / मनोरञ्जन

कस्तो बनेको छ चलचित्र "ऐश्वर्य" ? - समीक्षा




केकी (रानी)को पात्रले दर्शकलार्इ कमसेकम फिल्ममा इन्गेज गराउछ जुन पहिलो हाफले गर्न सकेको थिएन र अन्तसम्म आइपुग्दा चलचित्रले लय पकड्छ । त्यसपछिको क्लाइमेक्स निक्कै दमदार छ, जसले गर्दा हलबाट दर्शक निस्कदा चित्त बुझाएर निस्कनछन् ।


कस्तो छ त "एश्वर्य" अडियो समिक्षा

रमेश उप्रेतीले गत बर्ष चलचित्र "ब्रासलेट"बाट कम्ब्याक गरेपछि यो बर्ष थप दमदार शैलीमा चलचित्र "ऐश्वर्य"बाट दर्शकहरुको मन जीत्न आइसकेका छन् । “स्टुपीड मन” फेम दिवाकर भट्टराईले निर्देशन गरेको यो चलचित्रको “तिमि रोएको पल” बोलको गीतले रिलिज पुर्व नै राम्रो चर्चा बटुली सकेको छ । छठ पर्वको दिनमा रिलिज भएको यो चलचित्रले दर्शकको मन जीत्न सक्ला त ? कस्तो बनेको छ चलचित्र "ऐश्वर्य" ? आउनुहोस जानौं चलचित्र ऐश्वर्यको समीक्षामा ।

प्लट
ऐश्वर्य अनाथ आश्रम, समीर अर्थात रमेश उप्रेतीको बुवाको सपना हो, तर त्यसलाई खालि गराएर त्यहाँ होटेल खोल्ने सपना बोकेका छन् राघव (प्रशान्त ताम्राकार)ले । रमेश उप्रेतीले कुनै पनि हालतमा त्यसो हुन दिदैनन् । अब सुरु हुन्छ दुर्इ सफल ब्यापारीहरु बीचको ऐश्वर्यको लडाई । रमेश उप्रेतीको प्रेम दिपिका (दिपिका प्रसाई)लार्इ प्रयोग गरेर जब प्रशान्तले ऐश्वर्य पाउन खोज्छन तब के के हुन्छ, त्यसको लागि यँहाहरुले चलचित्र "ऐश्वर्य" हेर्नपर्ने हुन्छ ।

कथा, पटकथा र संवाद
दुर्इ सफल ब्यापारी बीचको लडाई, नेपाली चलचित्रहरुमा अहिलेको समयमा एउटा फरक चिज हो । पैसाको खेल, खुट्टा तान्न हुने राजनीति र रमेश उप्रेतीको केकी र दीपिका संगको प्रेम सम्बन्धमा चलचित्र "ऐश्वर्य"को कथा बुनिएको छ । कथा अवश्य दर्शकलार्इ पृथक लाग्न सक्छ । तर चलचित्रको पटकथामा थुप्रै कमजोरी छ । चलचित्रको पहिलो सिननै थुप्रै समस्या बोकेर सुरु हुन्छ । पहिलो सिनले थुप्रै प्रश्नहरु उब्जाउछन् जसको चित्तबुझ्दो उत्तर पछीसम्म खुल्दैन । त्यसपछि रमेश उप्रेती र प्रशान्त बीचकको टक्कर र रमेश-दिपिकाको प्रेम स्थापित हुदा दर्शकले रोचक खासै केहि पाउदैनन् । चलचित्रको पहिलो हाफ खासै केहि छैन तर दोस्रो हाफमा पटकथा केहि हदसम्म सुध्रिन्छ । केकी (रानी)को पात्रले दर्शकलार्इ कमसेकम फिल्ममा इन्गेज गराउछ जुन पहिलो हाफले गर्न सकेको थिएन र अन्तसम्म आइपुग्दा चलचित्रले लय पकड्छ । त्यसपछिको क्लाइमेक्स निक्कै दमदार छ, जसले गर्दा हलबाट दर्शक निस्कदा चित्त बुझाएर निस्कनछन् ।
चलचित्रको संवाद निक्कै निक्कै कमजोर छन् । धेरै जसो केकी र थोरै जसो प्रशान्तको संवादहरु बाहेक बाकि संवादहरु मानौ चलचित्रको दुश्मन भएका छन् । यी संवादहरुले धेरै दृश्यमा दर्शकलार्इ भट्काएको छ । निर्देशक भट्टराईले आफ्नो संवादमा थोरै मेहेनत गरेको भए चलचित्रको स्तर नै बेग्लै हुन्थ्यो ।

कलाकार
रमेश उप्रेतीले आफ्नो कामलार्इ न्याय त गरेका छन् तर उनि पनि कमजोर संवादहरुको शिकार भएका छन् । खासमा उनि मात्र हैन सबै कलाकारको अभिनयमा संवादहरु बाधक भएका छन् । त्यसबाहेक केकी अधिकारी चलचित्र "ऐश्वर्य"को सबै भन्दा राम्रो पक्षमा पर्दछिन् । उनको पर्फर्मेन्सले दोस्रो हाफ सम्हालेको छ । प्रशान्त ताम्राकारको काम तारिफयोग्य छ र नव कलाकार दिपिका प्रसाईले आफ्नो पहिलो काममा इम्प्रेस गर्छिन् ।

प्राविधिक पक्ष र संगीत
दुर्इ सफल ब्यापारीको कथा भएको यो चलचित्र निक्कै रिच हुनुपर्ने हो र त्यस मामिलामा निर्माण टिम चुकेको छैन, कला निर्देशन अव्वल छ । छायांकनपनि तारिफयोग्य छ । सम्पादन नि राम्रो छ । एक्सन ठिक छ तर ब्याकग्राउण्ड म्युजिक अझ धेरै दृश्यहरुमा मजेदार भने छैन, ठिकठाक छ ।

अर्जुन पोखरेलको "तिमि रोएको पल" गीत चलचित्रको अर्को राम्रो पक्ष हो, त्यसबाहेक चलचित्रमा केकी माथि छायांकन भएको एउटा अर्को गीत छ जसले भने खासै प्रभाव पार्दैन ।

निर्देशन
निर्देशक दिवाकार भट्टराईले आफ्नो काममा धेरै हदसम्म न्याय त गरेकै छन् । चलचित्रमा उत्कृष्ट क्लाइमेक्स दिन उनि सफल छन्, तर साना साना कुराहरुलाई भने उनले नजरअन्दाज गरेकै हो । उनको पात्रहरुको अंग्रेजी संवाद त्यति चित्त नबुझ्दो हुदाहुदै चलचित्रमा प्रशस्तै अंग्रेजी संवाद छन्, जसमा उनले रोक लगाउन सक्थे, आफ्नो पात्रहरु अझ मजाले स्थापित गर्नपनि निर्देशक भट्टराई चुकेका छन् ।

समिकरण
चलचित्र "ऐश्वर्य"लार्इ केकी अधिकारी र उत्कृष्ट क्लाइमेक्सले एकपटक हेर्न सकिने चलचित्र अवश्य बनाएको छ, चलचित्रको संवादले दर्शकलार्इ पहिलो हाफसम्म इन्गेज गर्न सफल भएको भए, चलचित्र निक्कै स्तरीय बन्न सक्ने थियो ।

रेटिंग : २.५ / ५



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.