चलचित्र 'लुकामारी' | Hamro Patro
DOWNLOAD APPS BY HAMRO PATRO

ब्लग - साहित्य / मनोरञ्जन

चलचित्र 'लुकामारी'





सुयोग ढकाल
हाम्रो पात्रो

लुकामारी चलचित्र नितान्त रुपमा एउटा नयाँ पुस्ताकाे परिकल्पनाभित्रको नेपाली चलचित्र हो जसमा समेटिएका सम्पूर्ण घटना, परिघटना र उठाइएका मुद्दाहरु नेपाली समाज र सामाजिक यथार्थहरुलाई कुशलतापूर्वक समेटन सफल भएकोछ । समाजमा भइरकेका आपराधिक घटना र तिनका असरहरुमा आधारित यस चलचित्र हेर्नलायक छ तथापि चलचित्र 'लुट'को सफलतापछि अधिकाशं नेपाली चलचित्रहरुले अपनाएको अपराध र ब्ल्याकसाईडबाट माथी उठेर दर्शकहरुलाई नौलो धारको अनुभव भने पस्किन अझै नपुगेको अनुभव हुन्छ । पोस्टरमा सौगात मल्ल हातमा ग्याँसको सिलिन्डर र डेढो आँखा भएका मधेशी अवतारमा उभिएका छन् जुन अभिनयमा पनि जीवन्त छ र यहि मधेशी पात्रनै वास्तवमा चलचित्रको नायक हो । मधेशी पात्रहरुलाई सहायक र हाँस्य भुमीकामा धेरैजसो नेपाली चलचित्रमा पाइएपनि 'षडङ्ग' र 'लुकामारी'मा सौगात मल्लले मधेशी हाउभाउ, लवज लगायतका अत्यावश्यक कुराहरुलाई अभिनय मार्फत न्याय गरेकाछन् । यदि पोस्टर हेरेर त्यहि अनुसारको कथा बिषयवस्तुको अपेक्षा लिएर तपाई चलचित्र हलमा प्रवेश गर्ने योजनामा हुनुहुन्छ भने चलचित्रलाई नितान्त फरक र रोमाञ्चक पाउनुहुनेछ ।

निर्देशक श्रीराम दाहालको निर्देशन पक्ष र चलचित्रका संवादहरु साँच्चीकै लोभलाग्दा छन्, पात्रहरुलाई मज्जाले स्थापित गराउन चलचित्र एकदम्मै सफल छ यदाकदा ससाना त्रुटीहरु भने चलचित्रमा स्पष्ट देखिन्छ । अर्कोतर्फ चलचित्रले VFX को पाटोमा भने अपेक्षा अनुरुप नभएको कुरो चलचित्र हेर्दैजाँदा हामी सबैलाई खड्किन्छ । चाहे त्यो चलचित्रमा गाडी हाँक्दा स्टूडियो भित्रको क्यामराको काम या खलपात्रले आफू चढेको गाडी भीरबाट झारेको र झरेपछि पड्कीएको दृश्य प्राविधिक र नव पुस्ताको दर्शकका हिसाबले कामचलाउ काम गरेको स्पष्ट हुन्छ । काठ्माण्डौमा यसका वावजुद पनि चलचित्र लुकामारी सम्पूर्ण रुपमा पैसा वसुल चलचित्र हो ।

यसको संगीत पक्ष एकदमै सुदृढ रहेको छ, संगीतकार बिकास सिलवालको काम र नौलोपनाले एउटा नयाँ आभाष दिन्छ । गीतको (आभाष दिलायो कसैले) छायांकनमा भने नायक नायीकाले प्रस्तुत गर्ने एकैखालका पोज र मुभको रिपिटेशनले नृत्य निर्देशनको पाटो अत्यन्तै फिक्का लाग्नसक्छ । ब्याकगा्रउन्ड स्कोरमा पनि नयाँ नयाँ धुन र प्रयोगले चलचित्रको सस्पेन्सलाई मुर्तरुप नदिएको भन्न मिल्दैन । कतिपय दृष्य र घटनाहरुलाई अझै न्यायदिन सकेकोभए चलचित्र एउटा पर्फेक्ट पिस अफ आर्ट हुनसक्ने थियो ।

कलाकारहरुको अभिनय जोडदार छ बिशेषतः सौगात मल्ल र कर्माको अभिनय सम्झन योग्य छ । विक्रम सिंह थारूले उपस्थितिले पनि चलचित्रलार्इ रोचकता थप्छ । पहिलो हाल्फमा एकदमै राम्रो भएर पनि सेकेन्ड हाल्फमा दर्शकहरुलाई खिन्न बनाउने धेरै नेपाली चलचित्रको त्रुटीलाई यस चलचित्रले तोड्न र नयाँ आयाम दिन प्रयास भएकैछैन भन्दा फरक नपर्ला । सेकेन्ड हाल्फमा पनि चलचित्रले पहिलो हाल्फमा जस्तै ध्यान तानेरै राखेपनि चलचित्रको अन्त्यभने एक्कासी आए जस्तो तपाइलाई लाग्न सक्छ । कर्माले अभिनय गरेको पात्र यूनिक चा खलपात्रसंगको मुठभेडमा घाइते भई एकाएक अस्पतालमा होस आएको र भूमीका सक्किएको देख्दा पात्रको भूमीका अनावश्यक हराएको भान हुन्छ र ठिक त्यहि ठाउँबाट चलचित्रमा यूनिक चालाई सम्झिन सकिन्छ । कसैकसैलाई यस्ता खाले द इन्डिगं अझ उत्साहित लाग्न सक्छ तर सिक्वल बनाउनका लागी गरिएको यो प्रयास सफलनै देखिन्छ । लुकामारी हेरेपछि यदि यसको सिक्वल लुकामारी आएमा तपाइहामी पुनः एकपटक सिनेमा हलसम्म पुग्न सक्छौं । नेपाली चलचित्र जगतलाई माया गरौँ र सकेसम्म हलमै गएर चलचित्र हेरिदिने गरौं, हाम्रो पात्रोको यो अनुरोध ।

चलचित्रको सम्पूर्ण पक्षहरुलाई मुल्याकंन र अवलोकन गरिसकिएपछि हाम्रो पात्रो टिमले यस चलचित्र लुकामारीलाई कुल ५ अंकमा ३ अंक प्रदान गर्दछ । चलचित्रलाई शुभकामना ।

---
Featuring : Saugat Malla, Karma, Bikram Singh Tharu, Surabina Karki, Rista Basnet, Krishna Bhakta Maharjan, J.B. D.C., Pravan Bhusal, Kushal Bista, Basanta Bhatta, Prakash Paudel


Executive Producer : Col. Madan K.C.
Co-Producer: Sandeep Acharya, Bikram Bhandari, Tej Man Singh Bhandari
Production Manager : Narayan Chalise
Art Director : Ganendra Jimi
Action Director : Asta Maharjan
Makeup/SFX : Amrit Marahatta
Post- Production/VFX : Glaze Entertainment 
Music : Bikash Silwal
Lyrics : Kiran Baral, Bikash Silwal, Bimal Gautam
Vocal : Dharmendra Sewan, Prabisha Adhikari, Bikash Silwal
Background Score : Bikash Bhujel 
Choreographer : Renasha Bantawa Rai
Associate Director : Binod Khatiwada
Colorist : Rajendra Moktan
Editor : Krishna Bhandari
Screenplay : Binod Khatiwada 
Cinematographer : Sushan Prajapati
Producer : Suraj Man Singh Bhandari
Story/Director : Shree Ram Dahal



Downloads


Contact

Buddhanagar-10, Kathmandu (Nepal)
Tel: +977 2298599
Email: [email protected]

Date Converter

Foreign Exchange

  • Currency
  • Buy
  • Sell
  • Indian Rupee (100)
  • 1.6
  • 1.6015
  • U.S. dollar
  • 113.48
  • 114.08
  • European euro
  • 128.62
  • 129.3
  • UK pound sterling
  • 147.82
  • 148.61
  • Swiss franc
  • 113.33
  • 113.93
  • Australian dollar
  • 81.16
  • 81.59
  • Canadian dollar
  • 86.1
  • 86.55
  • Singapore dollar
  • 83.95
  • 84.39
  • Japanese yen (10)
  • 10.24
  • 10.29
  • Chinese renminbi (Yuan)
  • 16.88
  • 16.97
  • Saudi Arabian riyal
  • 30.26
  • 30.42
  • Qatari riyal
  • 31.17
  • 31.33
  • Thai baht
  • 3.65
  • 3.67
  • UAE Dirham
  • 30.9
  • 31.06
  • Malaysian ringgit
  • 27.9
  • 28.05
  • Korean Won (100)
  • 10.11
  • 10.16
  • Swedish Krone
  • 12.18
  • 12.24
  • Danish Krone
  • 17.23
  • 17.33

Hamro Team

सम्पादक

सुदिना गौतम

व्यवस्थापक

सन्तोष कुमार देवकोटा

फोटो पत्रकार

आनन्द कुमार महर्जन

कला पत्रकार

मन्दिप गौतम