काेभिड महामारीकाे समयमा बन्दाबन्दी (लकडाउन) ले गर्दा हामीहरू सबैजना घरमै बस्नु पर्ने र आवातजावातलाई न्यून गर्नपर्ने अवस्था सिर्जना भएकाे थियाे । त्यसबेला शिक्षा, यातायात, व्यवसाय लगायतका क्षेत्रहरूलाई धेरै नै प्रभाव परेकाे थियाे । यी क्षेत्रहरू बाहेक अर्काे एक अत्यावश्यक सेवामा पनि ज्यादै ठूलाे असर परेकाे थियाे र त्याे हाे, स्वास्थ्य । हामीहरू व्यक्तिगत रूपमा नै उपस्थित भएर उपाचार गर्ने चलन रहेकाेमा अस्पताल जान पनि काेभिडकाे त्राश थियाे । यस्तो अवस्था बाहेकमा पनि दुर्गम क्षेत्रका बिरामी यदि उपचार गर्नु पर्याे भने अस्पतालसम्म पुग्न पनि लामाे यात्रा तय गर्नु पर्छ । अस्पतालमा पुग्दा पनि लामाे लाइन बस्न पर्ने जस्ता धेरै समस्याहरू हामीले सामना गर्नुपर्छ ।
समस्या त्यति मात्रै होईन, डाक्टर र बिरामीको अनुपात पनि समस्या छ । नेपालको अवस्था हेर्ने हो भने काठमाडाैंमा ८७० जना बिरामीहरूकाे लागि एकजना डाक्टर उपलब्ध छन। भने काठमाडाैं बाहेक अन्य ठाँउमा १७०० बिरामीका लागि एउटा डाक्टर हुन्छन् । यो स्थिति दुर्गम क्षेत्रमा झन् दयानीय छ जहाँ १०००० बिरामीकाे लागि एक जना डाक्टर मात्रै उपलब्ध हुन्छन् । बिरामीहरूलाई सहज उपाचार गर्न र बिरामी हेर्ने डाक्टरको अनुपात विविधिकरण गर्ने एउटा भरपर्दो उपाय हो टेलिहेल्थ हो ।
स्वास्थ्य सेवा लिन चाहनेलाई भौतिक रूपमा उपस्थित नभइ स्वास्थ्य सेवा प्रदायकले सेवा दिने व्यवस्था भनेकाे नै टेलिहेल्थ हाे । टेलिहेल्थबाट उपचार गर्ने माध्यमहरू मेसेज, इमेल, फाेन कल, भिडियाे कल, कन्फेरेन्स कल, आदिबाट हुन सक्छन् तर यसमा मात्रै सिमित हुदैनन् । टेलिहेल्थमा स्वास्थ्य सम्बन्धी जानकारीहरू आदानप्रदान गर्नका निम्ति लाइभ अथवा र रेकाेर्ड गरिएका भिडियाे, अडियाे, चित्र तथा लिखित सन्देशहरू हुन्छन् । चेतनामूलक सन्देश दिन, उपाचार चलिरहेकाे स्वास्थ्य अवस्थाकाे निगरानी गर्न, विभिन्न स्वास्थ्य परामर्श लिन र औषधिकाे निर्धारणमा टेली हेल्थकाे उपयाेगिता उच्च हुन्छ ।
टेलिहेल्थका फाइदा
-टेली हेल्थका धेरै फाईदाहरू छन् ।
-काेभिड जस्ता उच्च सक्रमण दर भएको सरुवा राेगबाट सुरक्षित भएर उपचार गराउन सकिन्छ ।
-भाैगाेलिक अवस्थाकाे कारण उपचारकाे पहुँचमा कमी हुँदैन ।
-यसले यातायात र उपचार भन्दा पहिले लाग्ने समयकाे बचत गरि विशेषज्ञ डाक्टरहरूसँग परामर्श लिन सहज बनाउछ ।
-फलोअप गर्न अस्पताल धाइराख्नु पर्दैन ।
-यसका धेरै फाइदा तथा सहजताका बाबजुत सबै राेगका निम्ति याे प्रविधि उपयुक्त हुँदैन ।
-दुर्गम क्षेत्रमा डाक्टर र बिरामीको अनुपात घटाउन मद्दत गर्दछ ।
-यसले यात्रामा आउन सक्ने, अस्पतालमा हुने सक्ने अन्य खर्चहरूको बोझ घटाउँछ ।
-प्रतिकुल माैषम वा अवस्थामा पनि सहजै परामर्श लिन सकिन्छ ।
-वृद्ध, बालबालिका लगायत हिडँडुल गर्न अप्ठ्यारो हुने व्यक्तिहरूलाई घरको आरामबाटनै परामर्श लिन सकिन्छ ।
हाम्राे पात्राे हेल्थः
हाम्राे पात्राेले स्वास्थ्यका यिनै समस्याहरूलाई न्यूनीकरण गर्नका निम्ति हाम्राे पात्राे हेल्थ सेवा नाेबेम्बर १, २०२१ मा शुरू गरेकाे थियाे । हाम्राे पात्राे हेल्थबाट घरमै बसि विशेषज्ञ डाक्टरहरूसँग उपयुक्त समयानुसार परामर्श लिन सकिन्छ । यस एप मार्फत बिरामी, डाक्टर र परिवार वा अन्य सदस्यहरू कलमा एकैपटक बसेर परामर्श लिने र कुराकानी गर्ने व्यवस्था पनि रहेकाे छ ।हाम्राे पात्राे हेल्थ मार्फत हालसम्म ३००० भन्दा धेरै सेवाग्राहीले याे सुविधाकाे प्रयाेग गरिसक्नुभएकाे छ । ३०० जना भन्दा धेरै डाक्टरहरू आबद्ध भएकाे यस एपबाट मासिक सयौँ बिरामीहरूले परामर्श लिने गर्नुहुन्छ । याे तथ्याङ्क दिन प्रतिदिन वृद्धि हुदै गइरहेकाे छ ।
हाम्राे पात्राे हेल्थका प्रयाेगकर्ताकाे अनुभवहरूः
हाम्राे पात्राे हेल्थका प्रयाेगकर्ताहरू
टेलीहेल्थबाट स्वास्थ्य परामर्श लिने यो मेरो पहिलो अनुभव थियो, तर मलाई लाग्छ कि यो स्वास्थ्य उपचारको भविष्य हो । यो अनुभव मेरो लागि निकै राम्रो भयो । प्राथमिक हेल्थ केयरका लागि म डा. नविन हमाललाई सिफारिस गर्छु र यस्तो सेवा शुरु गरेकोमा हाम्रो पात्रो हेल्थलाई धन्यवाद पनि दिन चहान्छु ।
-युवराज घिमिरे, बालाजु
सर्वप्रथम त म हाम्रो पात्रो टिमलाई यो प्लेटफर्मको लागि मनै देखि प्रशंसा गर्छु र धेरै आभारी पनि छु । मेरो पहिलो अनुभव नै उत्कृष्ट थियो । रातीको समयमा मेरो छोराको स्वास्थ्यको बारेमा चिन्तित थिएँ तर अलमलमा पनि थिए किनकी मलाई तत्काल चिकित्सा परामर्शको आवश्यकता थियो । डा. ऋषिराम अधिकारीबाट प्राप्त तुरुन्त चिकित्सा परामर्शले गर्दा त्यो रात म ढुक्कसँग सुत्न सकें । डा. ऋषिराम अधिकारी धेरै मिलनसार र सहयोगी हुनुहुन्थ्यो । मलाई विशेष गरी मन परेको कुरा भनेको चाँहि उहाँले मेरो छोराको मेडिकल अवस्थाहरूका साथै उपचारका विकल्पहरू र तत्काल फलोअपको बारेमा व्याख्या गर्न प्रयाप्त समय दिनुभयो । उहाँको व्यवहारले मलाई साँच्चिकै सहज बनाएको हुनाले मलाई निकै राम्रो अनुभव भयो त्यसैले म डा. ऋषिराम अधिकारीलाई सिफारिस गर्दछु र सबै व्यक्तिहरूलाई हाम्रो पात्रो हेल्थको प्लेटफर्मबाट सेवा लिन प्रोत्साहित गर्दछु ।
-हरि भुजेल
मैले डा. स्मृति माथेमाबाट स्तनपान सम्बन्धी परामर्श लिएकी थिएँ । मलाई दुध खुवाउने क्रममा बच्चालाई समात्ने विभिन्न तरिकाहरू सिकाउनेदेखि लिएर स्तनपानको बारेमा भएका भ्रमहरूको बारेमाजानकारी दिनुभयो मार्गदर्शन गर्नुभयो । उहाँले धैर्यताका साथ मेरा सबै प्रश्नहरूको जवाफ दिनुभयो र मेरो मनोबल पनि बढाउनु भयो । उहाँका सुझाव र सल्लाहहरू मलाई धेरै काम लागे । धन्यवाद हाम्रो पात्रो हेल्थ, जसले मलाई घरमै बसेर विशेषज्ञ डाक्टरसँग परामर्श लिने अवसर दियो ।
-स्नेहा शाह
सञ्चार प्रविधिकाे विकास सँगै टेलिहेल्थलाई पनि हाम्राे जीवनशैलीमा अपनाउनु पर्ने आवश्यकता रहेकाे छ । यसले गुणस्तरीय स्वास्थ्यकाे पहुँचमा वृद्धि गर्ने उद्देश्य पूरा गर्न मद्दत गर्दछ । यसै सन्दर्भमा अहिले नेपालमा हाम्रो पात्रो हेल्थ मार्फत टेलिहेल्थ सेवा प्रतिको आकर्षण बढ्दै गईरहेको छ । अब बिरामीहरूले गुणस्तरीय स्वास्थ्य सेवा प्राप्त गर्न भौतिक दूरिले छेक्दैन । त्यसैले पनि टेलिहेल्थ सुविधाको सान्दर्भिकता र प्रयोग आगामी दिनहरूमा अझ बढ्दै जाने पक्का छ ।
यदि तपाईँसँग पनि स्वास्थ्यसँग सम्बन्धित कुनै समस्या वा जिज्ञासा छन् भने आजै हाम्रो पात्रोबाट विशेषज्ञ डाक्टरसँग परामर्श लिनुहोस् ।
Liked by:
