बर्खा बिशेषः मेरो गाँउको घरको छानामा प्वालहरु छन् | Hamro Patro
DOWNLOAD APPS BY HAMRO PATRO

ब्लग - साहित्य / हाम्रो लेख

बर्खा बिशेषः मेरो गाँउको घरको छानामा प्वालहरु छन्




   Suyog Dhakal - Jun 19 2017

टाँडे घर थियो, मैले पहिलो पटक घर भनेर थाहा पाएको त्यो घर । बामे सर्दा देखि भकुन्डोखेल्दासम्म यति हिडियो त्यो घर कि अहिलेपनि त्यहाँ पुगे भने आँगनवाट पुजाकोठासम्म म आँखा चिम्म गरेरै पुग्नसक्छु, कोठा कोठाका झ्याल अनि ढोकाहरुले मलाई चिन्नेछन्, खुट्टा खाँबाहरुमा मेरो नामका किल्लाहरु ठोकिएका छन् अनि दशकौँ अगाडि भएतापनि घरका भित्ताहरुमा कमेरो माटो ल्याएर यीनै हातले पोतेको छ ।

यो पनि हेर्नुहोस् : मध्यपूर्वमा नेपाली कामदारहरूको भविष्य

उतीबेला आउने साप्ताहीक पत्रिकाका मध्य पृष्ठ टालेर मैले घरका भित्ताहरु सजाउने गरेको थिए । ईटाँका पर्खाल कहाँ कुन्थे र रु रुखका हाँगाबिँगा अनि स्याउलाहरुलाई बाँसको ठूलो कप्टेरोले जोडेर टाटी बनाईन्थ्यो, वारीपारी पारदर्शी टाटी पातलै भएपनि मोटो ग्रामीण सभ्यताका कारणले अहिलेका भित्ता र पर्खालहरु भन्दा शक्तिशाली हुनेगर्दथे ।

घरका भित्ताहरु माटाका थिए, छानो खपडा अर्थात माटाको टायलहरुको थियो अनि तल्लो तल्लावाट माथिल्लो तल्लामा जान ढोप्केको प्रयोग गरिन्थ्यो । भर्याङको ठ्याक्कै माथि ढोप्के थियो, खपलक्कै भर्याङलाई छोपेर तलबाट माति आउन नमिल्ने बनाँउन सक्ने ढोप्के काठ र केही थान जस्तापाताले बनेको थियो ।

यसै घरको दोश्रो तलामा पछाडी तर्फ मेरो कोठा थियो । मेरो खाटवाट माथि सँधै सुत्ने वखत मैले छानाका प्वालहरु देख्दथे, माटोको टायल नमिलेका जोडहरुमा केही प्वाल थिए । बर्खाअगाडि छाना छाएपनि प्वालहरु बाँकी रहन्थे , मेरा बाल्यकालका साक्षी यिनै प्वालहरु हुनगए । हिँउदमा शीत झर्छ भन्नुहुन्थ्यो आमा, मैले शीत झरेको कहिल्यै देखिन तर चिसो स्याँटका केही बाटो बिराएका टुक्राहरु शायद ति छानावाट छिर्थे । म बेस्सरि सिरक चेपेर सुतिदिन्थे, त्यो निन्द्रा अहिले कहाँ पाउनु रु अनि मुख्य कुरा त ती हिँउदका विहानहरु जब घामका मिठा प्रकाशहरु मलाई बिउझाँउन तीनै प्वालबाट आँखासम्म आईपुग्दथे, सिरक फाल्न आँट पुर्याएर म उठ्दथे । बर्खाका बेलाको पनि रमाईलो गज्जब छ, पानी पर्न थालेपछि मेरा ओछ्यान, सिरक डस्ना पन्छाँउथे , ति प्वाल मुनी केही थान भाँडाहरु राखि पानी थापिन्थ्यो ।

म राती तिनै प्वालवाट सानो टुक्रा आकाश देख्दथे , सोच्दथे कि आकाशमा यतिबेला पनि कति धेरै विमानहरु उडिरहेका होलान भन्ने । कहिलेकाँही तारा र विमान के हो भन्ने ठम्याई मै म निदाँउथे, धेरै पटक ति साना प्वालहरुले मलाई ठूलो सपना दिएर गए । हरेक मौसममा प्वालहरुको महत्व आफ्नै थियो, मलाई प्वालहरुसँग रिस उठेन न त ती कुराहरुलाई अभाव सँग जोडेर हेरे । मलाई त अहिले पनि सग्लो भन्दा चुहिने छानो प्यारो लाग्दछ, थोरै पानीले छानोवाट झरेर घरभित्र अभिशेक गरेजस्तो, प्रकृतिलाई गृहप्रवेश गराएजस्तो अनि सेन्सलाई चनाखो बनाएजस्तो ।

पहिलो पटक प्लेनमा उड्दा मैले तिनै प्वाललाई सम्झे , पहिलो पटक बिदेश पुग्दा मैले बर्खाको त्यो रात सझिंए जब पानी परेपछि मैले मेरो ओच्छ्यान ति प्वालहरुबाट पर त राखेँ तर माथि आकाशमा ठूला प्लेन उडिरहँदा यो पानीले असर गर्यो होला कि नहोला भन्ने तर्कना मनमा आएको थियो ।
आज हरेक बर्खा लाग्न अगाडि ति प्वालहरुलाई सझंना गर्दछु ,गाँउको घर बेचेर हामी शहर छिरेपछि ढलान गरेका घरमा मैले प्वाल नहुँदो रछ ।

बर्खा त लाग्छ तर पानीको छिटाहरुको रुम डेलिभरी हुँदैन

सुयोग ढकाल



Downloads


Contact

Buddhanagar-10, Kathmandu (Nepal)
Tel: +977 2298599
Email: [email protected]

Date Converter

Foreign Exchange

  • Currency
  • Buy
  • Sell
  • Indian Rupee (100)
  • 1.6
  • 1.6015
  • U.S. dollar
  • 113.66
  • 114.26
  • European euro
  • 128.38
  • 129.06
  • UK pound sterling
  • 146.58
  • 147.35
  • Swiss franc
  • 113.07
  • 113.66
  • Australian dollar
  • 81.23
  • 81.66
  • Canadian dollar
  • 85.84
  • 86.29
  • Singapore dollar
  • 83.77
  • 84.22
  • Japanese yen (10)
  • 10.29
  • 10.34
  • Chinese renminbi (Yuan)
  • 16.78
  • 16.87
  • Saudi Arabian riyal
  • 30.31
  • 30.47
  • Qatari riyal
  • 31.22
  • 31.38
  • Thai baht
  • 3.63
  • 3.65
  • UAE Dirham
  • 30.94
  • 31.11
  • Malaysian ringgit
  • 27.82
  • 27.97
  • Korean Won (100)
  • 10.09
  • 10.14
  • Swedish Krone
  • 12.26
  • 12.32
  • Danish Krone
  • 17.21
  • 17.3

Hamro Team

सम्पादक

सुदिना गौतम

व्यवस्थापक

सन्तोष कुमार देवकोटा

फोटो पत्रकार

आनन्द कुमार महर्जन

कला पत्रकार

मन्दिप गौतम