नारीवादी छोरा कसरी हुर्काउने ? | Hamro Patro
Make Kundali | Buy Tickets | Live Video Call

ब्लग - साहित्य / हाम्रो लेख

नारीवादी छोरा कसरी हुर्काउने ?




   Suyog Dhakal - Aug 01 2017

बिश्व परिपेक्ष्यमा गरिएका अध्यन अनि तर्कहरुलाई नेपालीकृत गर्ने अनुमती चाह्यौ नारीवादी समाज अनि छोराहरुको हुर्काउने प्रवृतिका बारेमा, नेपालकै सर्वाधीक रुचाइएको अनि अत्याधिक विश्वाश गरिएको मोबाइल एप्स, हाम्रो पात्रोको ब्लग खण्डमार्फत । विषय हो नारीवादी छोरा कसरी हुर्काउने भन्ने बारे ।

यो पनि हेर्नुहोस् : आर्थिक विकासको बाधक अस्थिर सरकार

परिवर्तित परिपेक्ष्यमा हामी हाम्रा छोरीहरुलाई समाजको नारीप्रतिको पूर्वाग्रह, असमानता अनि असहिष्णु कुराहरु तोड्न भनेर हुर्काउन थालेका छौ, हैन र ? तिमीले चाहेमा जे पनि गर्न सक्छौ भन्छौ, समानताका आधारहरु दिन्छौ तर छोराहरुका हकमा हामी कति नारीवादी ब्यबहार अनि धारणा दिन सक्षम छौ त ?

प्रत्यक्ष, अप्रत्यक्ष हरेक हिसाबमा समाजले छोरीहरुलाई बलियो अनि संबेदनशील हुन सिकाँउदछ । छोरीहरुका आँशुलाई उनिहरुको संवेदनशीलताको सामान्य अभिब्यक्ति मान्ने समाजका अवयबले छोराहरुले त्यतिनै बेर बलवान र पुरुषत्वको एउटा यस्तो असामान्य शक्ति सिकाँउदछ जसले समाजलाई नारीप्रदान हुनवाट पुस्तौवाट रोकिरहेको छ ।

समान समाजकालागि छोराछोरी दुबैलाई समान प्रकारले हुर्काउन जरुरी छैन र ? रोएको छोरालाई फकाउन प्रथम संवाद हुन्छ, हेर हेर छोरा मान्छे भएर पनि रोएको । छोरालाई बच्चैदेखि मनमा पर्दछ कि छोरा भएर रुन हुँदैन या रुन पाइदैन् अनि छोराहरुको यो अप्रत्यक्ष छोराभावको बलमा प्रत्यक्ष असर पर्दछ उनिहरुको मनोभाव अनि ब्यबहारमा ।

छोरीहरुलाई आत्मबल अनि समानताका साथ हुर्काउने प्रयास गरेको समाजले छोराहरुलाई पनि केहिहदसम्म छोरीहरु झै हुर्काउने प्रयास शुरु नगर्ने हो भने नारीसमानता संभव छ त ? कुरा शुरु गर्यौ एउटा गुलाफी अर्थतन्त्रको । गुलाफ अर्थात सामान्यतया नारी भावनाको रगंका रुपमा चित्रण गरिएको बिम्ब ।

जबसम्म समाजले सदभावना, समभाव अनि परिश्रमलाई नारीवाद सँग जोडेर हेर्दछ तबसम्म नारीवाद झुठो सपना हो ।

नारीहरुलाई मानव बन्न सिकाइन्छ भने पुरुषहरुलाई रोबोट बन्न सिकाइन्छ । बेफिक्रि, आँशुबिहिन, बलवान र कसैसँग सहयोग माग्न नहुने कुरा सिकाइन्छ । छोराहरुलाई आफुलाई सहयोग गर्ने अपिल सिकाइदैन, रिस उठ्न सिकाइन्छ अनि भोकै भएपनि बल प्रदर्शन गर्न सिकाइन्छ हैन र रु
हामीहरुले हाम्रो छोरासमक्ष कत्तिजना महिलाहरु र तिनले गरेका राम्रा काम, उपलब्धी अनि नेतृत्वको प्रशंसा गर्ने गरेका छौ ?

यदि यसो गर्नाले अन्य महिलाहरुलाई पनि यसै नजर र बिशिष्ट ढगंले हेर्न छोराहरुले सिक्दछन् ।

उदहारण धेरै छन् । बाटोमा भेटिएको घाइते चरालाई बोकेर घरमा लगेर औषधी उपचार गर्ने चरित्र र यस्ता जिम्मेवारी अझै पनि छोरीको अथवा नारीगुणलाई सुम्पिएको छ समाजको अधारशीलाहरुले ।
कसैको पिडा देखेर छोरा रोएमा असहज मान्ने परिवारले छोरीलाई आँशु बिरासतमै दिएको छ । खाना पकाउने काम गर्छु या लुगा धुने काम गर्छु भन्दा छोराहरुलाई सहजै इच्छा अनुसार काम गर्न दिने परिवार कत्तिको छ रु घरआँगन बढारिरहेको छोराहरु हामीले अहिलेसम्म देखेका छौं र ? देखेकै भएपनि कत्तिको देखेका छौं ?

छोरी र छोराको खेलौना फरक फरक हुन्छ हैन र ? गुडियासँग खेल्ने छोरा भएमा छोरीजस्तो भन्ने अनि गिज्याउने पनि छोरीजस्तो भनेको दोश्रो तहको संज्ञा हो भन्ने कुतर्कले ग्रसित समाज कत्तिको नारीमैत्रि छ त ? अर्कोतर्फ संबेदनशीलताको हिसाबले पनि समाज अनि पृष्ठभूमि नारीसहज छैन नि ?

राती कोही बिरामी भएर औषधी लिन पठाउनु परेको खण्डमा चाहेर पनि छोरी भन्दा छोरालाई नै अगाडि बढाउन पर्ने संरचना छ, नारीवादी समाजमा नारीसुरक्षा को ममलामा संबेदनशीलता पनि जरुरी छ ।

बिभिन्न अध्यनहरुले बच्चाहरुले जन्मदै कुनै बिशेष चाह या आशक्तिका साथ नजन्मने प्रमाणीत गरेका छन् । २ या ३ बर्षको उमेरमा मात्रै बच्चाहरु आफ्ना लिङ्ग अनुसारको चाह देखाउने बताँउदछ । हामीले त्यसअगाडि नै छोरा या छोरीलाई उनिहरुको लिङ्ग अनुसारको लवाइ, खेलौना र सोचले भरिसकेका हुन्छौ । छोरीलाई पुतली थमाइन्छ, भाँडाकुटि र रंगिन ब्लकहरु पनि भने उता छोरालाई फुटबल, बन्दुक, साइकल र गाडिले भरिपुर्ण गरिन्छ ।

नबुझ्ने भइक्नै हामीले बालबालिकालाई लिङ्ग अनुरुपका बिचार, चाहना र धारणा दिइसकेका हुन्छौ हैन र ?
अर्कोतर्फ आमाहरुले हुर्काउन चाँही छोरी पनि हुर्काउने तर माया बढि छोरालाई गर्ने आरोप पनि छ । यसो हुँदा छोरी भन्दा छोराहरुलाई संसार धेरै सजिलो लाग्ने र हेपाहा प्रवृति बढ्ने नभएको पनि हैन ।

यसअर्थमा हामीले हाम्रा छोराहरुलाई आफ्नालागि पकाउन्, धसन अनि सफा गर्न पनि आँफै गरुन भनेर सिकाउन जरुरी छ । जबसम्म नारीउन्मुख मानिएका कार्यहरु छोराहरुले आँफै गर्न सक्दैनन तबसम्म नारीवाद संभव नहोला भन्न सकिन्छ । छोराहरुलाई काम र परिवारको सन्तुलन पनि सिकाउन बच्चैदेखि जरुरी छ । अरुहरुको ख्याल राख्न पनि सिकाउन जरुरी छ है ।

हाम्रा कार्यहरुले र ब्यवहारहरुले शब्दहरु भन्दा धेरै कुराहरु बोल्दछन अनि आँउदा पुस्तालाई सिकाँउदछन् । नारीवादी छोरा हुर्काउन सकेका मात्र परिवार अनि समाजमा नारीसमानता संभव छ ।
बुवालाई अनुशरण गर्नेमात्र नभई आमालाई सघाउने अनि माया गर्ने र भविष्यमा श्रीमती अनि दिदिबहिनीहरुलाई पनि सम्मान गर्ने छोरा नै भविष्यको नारीवादी छोरा हो ।
सबै अभिभावकहरुमा शुभकामना छ ।

हाम्रो पात्रोकालागि सुयोग ढकाल



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.