जेब्रा क्रसिङको इतिहास | Hamro Patro
DOWNLOAD APPS BY HAMRO PATRO

ब्लग - साहित्य / हाम्रो लेख

जेब्रा क्रसिङको इतिहास




   Suyog Dhakal - Jun 02 2017

काठमाडौ उपत्यकामा सन् २०१७ मे महिनाको १ तारिखवाट जेब्रा क्रसिङ बाहेक वाट बाटो काट्नेहरुलाई रु २०० जरिवाना लगाउने निर्णय लागु गरिएको छ ।



कालो र सेतो टाटेपाटे बाटोहरु संसारभरिका देशका गाडी चल्ने बाटाहरुमा पदयात्रीकालागि बाटो काट्न बनाइएको छ । नेपालमा अहिले आएर जेब्रा क्रसिङ तातो विषय भएको छ, जथाभावी र जेब्रा क्रसिङ वाहिरवाट बाटो काटेमा हुने जरिवाना र कारवाहीका कारणले ।

आउनुहोस् केही बेर कुरा गरौ, जेब्रा क्रसिङका इतिहास ।
सन् १९४८ ताका शक्तिकेन्द्र बेलायत विश्वयुद्ध पछिको विकासको तीब्रतामा रहेको थियो । अर्थतन्त्र उकालो लाग्दैगर्दा गाडीहरु धेरै अनि बाटोमा जाम हुने र पदयात्रीहरुले गर्दा गाडी चलाउन जोखिम र पदयात्रीहरुलाई नै पनि दुर्घटनाको खतरा बढेको थियो ।

यो पनि हेर्नुहोस् : जेष्ठ १९, त्रास र रहस्य

त्यसै ताका बेलायतका पूर्व प्रधानमन्त्री जेम्स क्यालमान बेलायती संसदका सदस्यका हकमा शहरलाई व्यवस्थित राख्न आफ्नो नयाँ उपाय जेब्रा क्रसिङ लागु गराएका हुन् । परैवाट आँखा पर्ने एउटा चम्किलो र अर्को धमिलो रंगको पाटे वाटाहरु पदयात्रीकालागी सुरक्षा र सहजताकालागि आज एउटा अनुपम उदहारण बनेको छ ।

तत्कालीन बेलायतमा पनि जेब्रा क्रसिङको शुरुवात सँगै धेरै हदसम्म शहरको यातायात व्यवस्थित हुन सकेको थियो ।

सामान्यतया हरेक पाटाहरु करिब ४० देखि ६० सेन्टिमिटर सम्मको हुनेगर्दछ । रोड मार्किङ मेसिनले यस्ता पाटाहरु बाटोमा कोर्ने गर्दछन् ।

अहिले आएर देश अनुसार जेब्रा क्रसिङका बुट्टाहरु फरक फरक हुन्छन्, कतिपय देश र महादेशमा पाटाहरु हुन्छन् भने कतिपय देशहरुमा अन्य प्रकारका धर्साहरु हुन्छन ।

बेलायतमै कतिपय ठाँउमा र हङ्गकङ्गमा भने टाईगर क्रसिङ का रुपमा पहेँलो र कालो पाटाहरु देख्न सकिन्छ । मलेसिया, थाईल्यान्ड, ईन्डोनेसिया, म्यानमार लगायतका देशमा भने कालो र सेतो पाटाहरुनै देखिन्छ । भारतमा पनि राज्यहरु अनुसार फरक फरक क्रसिङ देख्न सकिन्छ । नेपालमा पनि कतिपय ठाँउमा स्पीड ब्रेकर भएकोमा पहेँलो र काला पाटाहरु पनि देखिन्छ ।

जेब्रा क्रसिङको एउटा रोचक कुराचाँही के छ भने सन् २०१३ मा फिनल्यान्डको हेलसिन्कीमा रसियन राजदुतावास अगाडि जेब्रा क्रसिङ बाटोमा पोतेर अनौठो र शान्त आन्दोलन गरिएको थियो । रसियाको सरकारले तेश्रो लिङ्गीहरुलाई अधिकार र मान्यता नदिएको भनेर उक्त विरोध गरिएको थियो ।
जेब्रा क्रसिङका पाटाहरु त्यसो त आजभोलि एयरपोर्ट र एयर फिल्डमा पनि देख्न सकिन्छ, रनवेमा यिनीहरुको चिह्न बास्तवमै उडान र अवतरणकालागि सहयोगी मानिन्छ ।

काठमाडौ उपत्यकामा सन् २०१७ मे महिनाको १ तारिखवाट जेब्रा क्रसिङ बाहेक वाट बाटो काट्नेहरुलाई रु २०० जरिवाना लगाउने निर्णय लागु गरिएको छ । उपत्यका ट्राफिक कार्यालयका अनुसार उपत्यकाभरि १०७ ठाँउमा जेब्रा क्रसिङहरु रहेका छन् जसमध्य ५० प्रतिशत मेटिईसकेका अवस्थामा छन् ।
जेब्रा क्रसिङ नभएको ठाँउमा बाटो कसरी काट्ने ? जस्तै कि चाबाहिलबाट एयरपोर्टसम्म बीचमा कुनै जेब्रा क्रसिङ छैनन्, के पदयात्री चाबहिलबाट एयरपोर्ट जेब्रा पाटाहरुको खोजीमा आउन व्यवहारिक छ त ? महानगरका मुख्य व्यस्त ३ ठाँउहरु चाबहिल, कलंकी र कोटेश्वरमै पर्याप्त जेब्राक्रसिङ नहुनु दुर्भाग्य हो । यसतर्फ सबैको ध्यान जाओस ।

जेब्रा पाटाहरु भन्दा पनि आकाशे पुलहरु यातायात व्यवस्थापनकालागि उपयुक्त मानिन्छन्, यसतर्फ सबैको ध्यान जाओस् । एउटा अर्को विडम्बना के छ भने प्रहरीहरु पदयात्रीहरुलाई पहिलेनै अन्यत्रबाट बाटो काट्न रोक्न भन्दा पनि उनीहरुले बाटो काटिसकेपछि गएर जरिवाना तिराउन च्याखे थप्न बस्नु हो । यसो नगरिकन पदयात्रीलाई सूचना दिने अनि जेब्रा पाटाहरुवाट बाटो काट्न उत्साहित र उत्प्रेरित गर्ने गर्नपाए कसो हुन्थ्यो ?

यसो त चालकहरुले जेब्रा पाटाहरु अगाडि आफ्नो गति कम नगरेसम्म यी कुराहरुको महत्व छैन । जेब्रा क्रसिङबाटै बाटो काट्दा पनि भएका धेरै दुर्घटनाहरु हामीले देखेका भोगेका अनि सुनेका छौ, हैन र ?
जे होस् जरिवाना तिर्ने कार्य भने नगरौ अनि यातायातको सुव्यवस्था कायम होस् ।
जेब्रा क्रसिङको इतिहास आजलाई यति नै ।

सुयोग ढकाल



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.