बर्खायाममा पानीमा भिज्ने अनि फेरि त्यसै कपडामा सुक्ने साथै घाममा मज्जाले कपडा सुक्न नपाई ओश लाग्ने, शेप रहने अनि ढुंडी लाग्ने समस्या हुन्छ । यसरी घामको कमी अनि पानीको ओश धेरै हुँदा बिभिन्न चर्मरोगहरु बिशेषतः लुतो लाग्न सक्ने संभावना हुन्छ । अत्यन्त सरुवा यस चर्म संक्रमण अरुहरुको कपडा लगाएमा, ओढ्ने ओछ्याउने प्रयोग गरेमा पनि सर्न सक्दछ ।
यो पनि हेर्नुहोस् : यी कुरामा ध्यान दिए रोक्न सकिन्छ मिर्गौला फेल
सार्कोटोप्स स्काबेई नामक सुष्म जीवाणुवाट लुतो सर्दछ, हाम्रो छालामा खनेंर आफ्ना अण्डाहरु पार्ने यस जीवाणुको संक्रमण पीडादायी हुन्छ । बर्खामासमा लुतो बास्तवमै एउटा त्रास हो, आउनुहोस् आज केही लुतोका घरेलु उपचारका बारेमा चर्चा गरौं ।
१ नीम 
तितोपनाकालागि दुईवटा बनस्पतीहरु नेपाली जीवनशैलीमा प्रख्यात छन् । तितेपाती र नीम, आउनुहोस् लुतो हटाउन आज नीमको परिचर्चा गरौं । नीमको तेल, स्याम्पु, साबुन अनि लेपहरु लुतो फाल्नकालागि अत्यन्त महत्वपूर्ण मानिन्छन् । प्रयोगशालामा समेत नीमका अवयवहरुले लुतोका जीवाणुहरु मार्ने सिद्ध भएको छ । नीमका स्याम्पु, साबुन आदि बिभिन्न उत्पादनहरु प्रयोग गर्नाले कुनै साइडएफेक्ट बीनानै लुतो निको पार्न सकिन्छ । नीमका बिरुवाहरु सहजै गाँउघरमा पाइन्छ, सामान्य पातहरुमात्रै पनि पिसेर लेप शरीरमा लगाउनाले लुतो कम हुने छ । नीमका साथै शुद्ध हर्दि या बेसार पनि लेपमा प्रयोग गर्न सकिन्छ ।
२ एलोबेरा (घ्यूकुमारी) 
घ्यूकुमारीको बिशीष्ट स्वास्थ गुणहरुवाट हामी अनभिज्ञ छैनौं नि रु पोलेको र डाबरहरु आएको छालामा यसको बिशेष असर हुन्छ, बास्तवमै मस्याइलो र चिसो अनुभव गराउने घ्यूकुमारीको प्रयोग छालामा गर्नाले लुतो लगायत अन्य चर्मरोगहरु पनि कम हुने प्रमाणीत भएको छ । लुतोको उपचारकालागि दिइने ओखती बेन्जेल बेन्जेएटोको सम्पूर्ण तत्वहरु घ्यूकुमारीमा रहने गर्दछ र यसको लेप छालामा लगाउनाले लुतोका जीवाणुहरु क्रमश मर्दै जाने र छालामा शितलता आँउदै जाने तथ्य छ ।
स्मरण रहोस्, एलोबेराका उत्पादनहरु र लेपहरु खरिद गर्दा सकेसम्म थोरै अन्य तत्वहरु र मिसावट भएका उत्पादनहरु प्रयोग गर्नुहोला, नत्र एलोबेराका पातहरु आँफैले पनि पिसेर या लेदो बनाएर प्रयोग गर्न सकिन्छ ।
३ सरसफाई 
लुतो आंफैमा सरसफाईको कमीले हुने संक्रमण हो । स्मरण रहोस् लुतोका जीवाणुहरु मानव शरीर बाहीरका सतहहरुमा केवल ३ ४ दिनसम्म मात्र बाँच्न सक्दछन् तसर्थ घर, कपडा, ओछ्यान, सोफा आदिहरुमा बिशेष सरसफाई गर्न जरुरी हुन्छ । सम्पूर्ण कपडाहरुलाई कम्तिमा ५० डिग्री सेल्सियसमा उमाल्ने गर्नुपर्दछ र यसो गर्नाले लुतोका जीवाणुहरु र तिनका अण्डाहरु मर्दछन् । धुन नमिल्ने कुराहरुलाई प्लाष्टीकमा हावा नछिर्ने गरि बाँधेर कम्तिमा ५ दिन राख्नुपर्दछ, यसो गर्नाले जीवाणुहरु मर्दछन् ।
४ डाक्टरलाई भेट्ने 
ओखतीको प्रयोग गर्नासाथ लुतोबाट मुक्त हुने आश नराख्नुहोला, छालाका राता डाबरहरु र चिलाउने क्रम कम नहुन्जेल यो संक्रमण निको हुँदैन । माथि उल्लेखित सम्पूर्ण कुराहरु गरिसक्दापनि कम नभएमा डाक्टरको सल्लाह लिनुहोस् । छालाको जाँच गरेरमात्र डाक्टरले लुतो हो भनि निक्र्योल गर्दछन् । त्यसपछि परामर्श अनुरुपको लेप या मल्हम लगाउन जरुरी हुन्छ ।
संक्रमण अझै पुरानो र गहिरो भए ओखतीका रुपमा खाने चक्की पनि दिन सकिन्छ । लुतोको संक्रमण भएकाले आफ्नो मार्फत अरुलाई पनि नसरोस भन्ने कुरामा चनाखो हुन जरुरी छ, केही नियमीत कसरत र स्वस्थ खाना खानाले उपचार प्रक्रियालाई सहज र छिटो बनाँउदछ ।
हाम्रो पात्रो
Liked by:
