सूचना तथा सञ्चार प्रविधि क्षेत्रको एक प्रतिष्ठित अवार्डको रूपमा परिचित ‘आइसिटी अवार्डको २०२१’ को ग्राण्ड फिनाले पुस २ गते शुक्रवार द सोल्टी काठमाडौंमा आयोजना हँुदैछ । छैटौं संस्करणको आइसिटी अवार्डमा १२ विधामा अवार्ड प्रदान गरिने आयोजकले जनाएको छ । यस वर्ष अवार्डको लागि ४०० बढिको अनलाइन आवेदन प्राप्त भएको र ४ महिना अवधिसम्म छनौट प्रक्रिया सञ्चालन भएको छ ।
एफवान सफ्ट आइसिटी अवार्ड २०२१ मा स्टार्टअप तथा इन्नोभेसन अन्तर्गत ह्वावे स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टार इन्नोभेसन आइसिटी अवार्ड र पब्लिक च्वाइस आइसिटी अवार्ड २०२१ विधाहरू समावेश भएका छन् । यी विधाहरूमा १५० बढीको आवेदन प्राप्त भएको थियो । विभिन्न चरणको छनौट पश्चात् उत्कृष्ट ५ को पब्लिक भोटिङ पनि सञ्चालन गरिएको थियो ।
व्यक्तिलाई प्रदान गरिने अवार्डहरूमा आन्टरप्रेनर आइसिटी अवार्ड, नेपाली डायस्पोरा आइसिटी अवार्ड, नेपाल बैंक पायोनियर आइसिटी अवार्ड र एनसेल वुमन आइकन आइसिटी अवार्ड विधाहरू रहेका छन । यि विधाहरूमा १०० बढिको नोमिनेशन प्राप्त भएको थियो ।
संस्थाहरूलाई प्रदान गरिने अवार्डहरूमा डिजिटल एजुकेशन आइसिटी अवार्ड (पब्लिक सेक्टर), डिजिटल एजुकेशन आइसिटी अवार्ड (प्राइवेट सेक्टर), डिजिटल सर्भिसेस आइसिटी अवार्ड र डिजिटल गभर्नेन्स आइसिटी अवार्ड विधाहरू समावेश छन् । यी विधाहरूमा १५० बढीको नोमिनेशन प्राप्त भएको र विभिन्न्न चरणको छनौट पश्चात् उत्कृष्ट ३ को छनौट भएको अवार्ड जुरी समितिका मुख्य संयोजक हेमपाल श्रेष्ठले जानकारी दिएका छन् ।
आइसिटी अवार्ड २०२१ मा लगभग ६ महिनाको तयारी सम्पन्न भएको आयोजक समितिका संयोजक राजन लम्सालले बताए । हरेक पक्षबाट अवार्डलाई सर्वोत्कृष्ट बनाउनको लागि जुरी, सल्लाहकार लगायत सबैले उत्तिकै मेहनत गरेको उनको भनाइ छ । ग्राण्ड फिनालेको लागि आयोजकले सम्पूर्ण तयारी पूरा गरेको र निमन्त्रणादेखि नै प्रविधिको अधिकतम प्रयोग गरिएको आयोजकले जनाएको छ । छनौट प्रक्रियामा समेत हरेक जुरीलाई ओटिपी पठाएर इन्डिपेन्डेन्ट रूपमा भोट लिइएको छ । ग्राण्ड फिनालेको लागि आयोजकले ictaward.org/tickets/ मार्फत टिकट पनि खरिद गर्न सकिने जनाएको छ । हिमालय टेलिभिजन, हाम्रो पात्रो एप लगायतबाट अवार्डको प्रत्यक्ष प्रसारण समेत हुनेछ ।
अवार्डको लागि २५ भन्दा बढि जुरी मिटिङ सम्पन्न भएका छन् । १५ जना विशिष्ट सल्लाहकारहरू रहेको आइसिटी अवाडले नेपालको डिजिटल इकोसिस्टमको महत्वपूर्ण आधार तयार पारिरहेको नाष्टका उपकुलपति सुनिलबाबु श्रेष्ठले बताए । आइसिटी अवार्डको महत्वपूर्ण पक्ष यसको छनौट प्रक्रिया रहेको र यसमा सुरुवातदेखि नै विशेष ध्यान दिइएको जुरी सदस्य सुवास ढकालले जनाए । आइसिटी अवार्ड पछिल्लो समय नेपालको आइसिटी क्षेत्रको लागि महत्वपूर्ण प्लाटफर्मको रुपमा विकास भइरहेको जुरी नरोत्तम अर्यालको भनाइ छ । अवार्डको सिलसिलामा यस वर्ष स्टार्टअप एण्ड इन्नोभेसन फेस्ट, मेन्टरिङ सेसन, पूर्वविजेता र अहिलेका प्रतिस्पर्धीको स्टोरी सेयरिङ सेसन, फिल्ड भिजिट, प्रिजेन्टेशन तथा स्पिड डेटिङहरू सञ्चालन भएका छन् ।
एफवान सफ्टले मुख्य प्रायोजन गरेको अवार्ड कार्यक्रममा ३० भन्दा बढी संस्थाहरूको सहकार्य रहेको छ । सञ्चार तथा सूचना प्रविधि मन्त्रालय, राष्ट्रिय सूचना प्रविधि केन्द्र, नेपाल दूरसञ्चार प्राधिकरण, नाष्ट, नेपाल उद्योग वाणिज्य महासंघ लगायतको सहकार्य रहेको कार्यक्रममा नेपाल टेलिकम र जिनस सोलुसन इन एसोसिएसनमा रहेका छन् । विश्व प्रसिद्ध कम्पनी ह्वावे र डिस होम पावर्ड बाईमा रहेका छन् । यसैगरी वुमन आइकन अवार्डलाई सम्मान गरिरहेको एनसेल क्याटेगोरी स्पोन्सर, राष्ट्रिय वाणिज्य बैंक बैंकिङ पार्टनर र प्रेसिडेन्सियल कलेज नलेज पार्टनरमा सहभागी भएका छन् । यसैगरी अमेरिकाको प्रसिद्ध साइबर सेक्युरिटी कम्पनी रिसेक्युरिटी, भारतको प्रसिद्ध कम्पनी अपग्राडले कार्यक्रममा सहकार्य गरेको छ । नेपाल बैंक लिमिटेड, फ्युज मेशिन्स, एप्लाईजब, एमिनेन्स वेइज, डाइनामिक इआरपी लगायतको सहकार्य रहेको कार्यक्रम हिमालय टेलिभिजन, डिस होमका विभिन्न च्यानल, विभिन्न अनलाइन र हाम्रोपात्रोमा लाइभ प्रसारण हुनेछ ।
यस्ता छन् उत्कृष्ट ५ स्टार्टअप, प्रडक्ट तथा राइजिङ स्टार इन्नोभेसनहरू
विभिन्न चरणको छनौट पश्चात उत्कृष्ट ५ स्टार्टअप कम्पनीहरू डुलुवा एक्सपेडिसन्स प्रा.लि, हाउस अफ बुक्स प्रा.लि, खेती भेन्चर प्रा.लि, निर्वाण साथी टेक्नोभेसन प्रा.लि र पु¥याउ सर्भिसेस प्रा.लि रहेका छन् ।
प्रडक्ट आइसिटी अवार्ड २०२१ को लागि उत्कृष्ट ५ मा छनौट भएका प्रडक्टहरूमा बगभी, आइएमएस डिस्ट्रिब्युसन म्यानेजमेन्ट सिस्टम, मिखा, प्लान्टस्याट र सायक रहेका छन् ।
राइजिङ स्टार इन्नोभेसन आइसिटी अवार्ड २०२१ को लागि छनौट भएका उत्कृष्ट ५ इन्नोभेसनहरूमा आक्स माट्ररव, आइओटी ब्यास्ड इकोनोमिकल एयर प्युरिफायर फर द ग्लोबल साउथ, मुसोर, ओपन पास्टपेपर र रेन्ट अ बाइक रहेका छन । यि मध्ये शुक्रवारको ग्राण्ड फिनालेमा हरेक विधामा एक सर्वोत्कृष्ट घोषणा गरिनेछ ।
विजेताले पाउछन ३ लाख रुपैयाँदेखि १५ लाखको सहुलियतपूर्ण ऋण सुविधासम्म
आइसिटी अवार्ड २०२१ का विजेताहरूले नेपालको सबैभन्दा ठूलो र प्रतिष्ठित आइसिटी अवार्डको सम्मान प्राप्त गर्नेछन् । यो सम्मानलाई यस अघिका विजेताहरूले एक महत्वपूर्ण उपलब्धि र गौरवको रूपमा ग्रहण गरेका छन् । आइसिटी अवार्डको उपाधि पाउनु नै महत्वपूर्ण सम्मान गरेको प्रथम पायोनियर आइसिटी अवार्ड विजेता मुनिबहादुर शाक्य बताउँछन् ।
यस वर्ष स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टार इन्नोभेसन आइीसटी अवार्ड २०२१ का विजेताले बैंकिङ पार्टनर राष्ट्रिय वाणिज्य बंैकले १५ लाखसम्म विनाधितो सहुलियतपूर्ण ऋण सुविधा प्रदान गर्नेछ । एनसेलले वुमन आइकन आइसिटी अवार्ड विजेतालाई आकर्षक रकम सहित पुरस्कार प्रदान गर्नेछ ।
पावर्र्ड बाई स्पोन्सर ह्वावेले विजेता र उत्कृष्ट ५ मा परेका स्टार्टअपलाई ३ लाखसम्मको ह्वावे क्लाउड सेवा उपलब्ध गराउनेछ । नेपाल टेलिकमले सबै विजेतालाई वर्षको १२० जिबीको डेटा प्याकेज उपलब्ध गराउनेछ भने डिसहोमले उच्चगति फाइबरनेट प्रदान गर्नेछ ।
यसैगरी यी विभिन्न विधाका उत्कृष्टलाई इसेवाले २५ हजार बराबरको आफ्नो विजनेश इन्टिग्रेसन र प्रवद्धनमा निःशुल्क सहयोग गर्नेछ । साइबर सेक्युरिटी पार्टनर इमिनेन्स वेइजले साइबर सुरक्षाको लागि आवश्यक सहयोग प्याकेज दिनेछ । अन्य कम्पनी तथा सहयोगी संस्थाहरूले स्टार्टअप र इन्नोभेसनका विधामा विभिन्न किसिमले सहयोग, आवश्यक लगानीको लागि अवसर प्रदान गर्नेछन् ।
Liked by:
