हामी धेरैजनालाई पैसा व्यवस्थापन गर्न निकै गार्हो परिरहेको हुन्छ । यदि पैसा सहि तरीकाले व्यवस्थापन गरियो भने हाम्रो तनाव धेरै हदसम्म कम हुन्छ । आफ्नो आर्थिक यात्रालाई सहज बनाउन हामीले केहि उपायहरू ल्याएका छौं ।
१. आफ्नो आर्थिक लक्ष्य तय गर्नुहोस्: हजुरले पैसा व्यवस्थापन गर्नु पहिले आफ्नो लक्ष्य तय गर्नुहोस् । नयाँ घर किन्ने, रमाइलो यात्रा जाने, जस्ता उद्देश्यहरू राख्नुभयो भने हजुरको आर्थिक योजना बनाउन सजिलो हुन्छ ।
२. लक्ष्य अनुसार योजना बनाउनुहोस्: आफ्नो निश्चित गरेको उद्देश्य अनुसार योजना बनाउनुहोस् । योजना बनाउदा आफ्नो आम्दानी र खर्च लेख्नुहोस्, कुन खर्च कहिले हुन्छ पत्ता लगाएर प्राथमिकरण गर्नुहोस्, र कुन खर्चलाई कम गर्न सकिन्छ, त्यसै अनुसार खर्च कटैाती गर्नुहोस् । यसरी योजना बनाउदा, त्यसै अनुसार पैसा व्यवस्थापनको कार्यहरू सहज हुन्छ ।
3. नियमित बचत गर्नुहोस्: जीवनमा अप्रत्यासित घटनाहरू आइरहन्छन्, त्यसका लागि हामीले बचत गर्ने बानी बनाउनुपर्छ । स्वास्थ्य उपाचार, घरमा चाहिने सामानहरू, मर्मत कार्यहरूलाई थप पैसाको आवश्यकता पर्छ । यो बेला हामीले बचत गरेको रकम काम लाग्छ । हामीले आम्दानी गरेको केहि रकम आपतकालिन कोष बनाएर ब्याकअप राख्न सकियो भने हामीलाई पैसा सजिलै व्यवस्थापन गर्न सक्छैाँ ।
4. ऋणको व्यवस्थापन: ऋणले गर्दा हाम्रो आर्थिक लयलाई गडबड गर्न सक्छ । उच्च ब्याजमा ऋण लिएर त्यसलाई फिर्ता गर्न गार्हो हुन अवस्थामा नपुग्नुहोस् । ऋण-मुक्त हुनका लागि प्रयास गर्नुहोस् जसले तपाईंलाई वित्तिय स्वतन्त्रता दिलाउन सहयोग गर्छ ।
5. लगानी गर्नुहोस्: नगद पैसालाई लगानी गर्दा त्यो पैसा बजारमा प्रवाह हुन्छ, जसले त्यसको मूल्य बढ्दै जान्छ । विविध क्षेत्रमा जस्तै शेयर, रियल स्टेट, आदिमा लगानी गर्दा हजुरको आर्थिक सुरक्षा गर्न मद्दत गर्दछ ।
6. फाईनहरूबाट जोगिनुहोस्: हजुरहरूले योजना निर्माण गर्दा कुन समयमा के तिर्नुपर्ने छ, जस्तै विद्युतको बिल, इन्टरनेटको बिल, खानेपानीको बिल, आदिको बिलको पैसा समयमै तिर्न सकियो भने हामीलाई फाइनको पैसा लाग्दैन र यसले हाम्रो वित्तिय स्थिरतामा सहयोग गर्छ ।
7. नयाँ उपायहरू सिक्दै जानुहोस्: समय अनुसार हाम्रो आवश्यकता र ईच्छाहरू परीवर्तन हुँदै जान्छ । अहिले नयाँ ट्रेन्डको बारेमा पनि अपडेट हुनुहोस् । त्यसै अनुसार आफ्नो योजनामा सुधार गर्दै नयाँ उपायहरू अपनाउनुहोस् जसले गर्दा बजारको उतार-चढावलाई राम्रो सँग ह्यान्डल गर्न सकिन्छ ।
8. बार्गेनिङ्ग गर्न सिक्नुहोस्: आफूले सामान किन्दा होस् या आफूले केहि काम गर्दा होस्, आफूलाई फाइदा हुने हिसाबले बार्गेनिङ्ग गर्न सिक्नुहोस् । यस्ता काम वा सामानको अन्य ठाँउमा कति पर्दो रहेछ त्यो अध्ययन गर्नु भयो र नियमित अभ्यास भयो भने पैसाको व्यवस्थापन अझ राम्रो हुदैँजानेछ ।
तपाईं आफ्नो आर्थिक स्वतन्त्रता हासिल गर्न चाहनुहुन्छ भने आफै अघि सरेर निरन्तर लागिरहनु पर्छ । माथि लेखिएका उपायहरू अपनाइयो, आवेगमा गरिने खर्च गरिएन र विशेषज्ञसँग सल्लाह सुझाव प्रयोग गरियो भने हामीलाई पैसाले तनाव दिने छैन र आर्थिक स्थायित्व र स्वतन्त्रता हासिल हुनेछ ।
Liked by:
