अहिलेको आधुनिक र वैज्ञानिक युगमा ज्योतिष शास्त्रलाई एक अन्धविश्वासपूर्ण अभ्यास हो भनेर यसलाई बेवास्ता गर्ने गरिन्छ । तर, यसलाई नजिकबाट नियालेर हेरियो भने हामीले थाहा पाउन सक्छाैँ कि ज्योतिषीय परामर्शले हामीलाई मार्गदर्शन गर्न महत्त्वपूर्ण योगदान गर्दछ । यसले हामीलाई आफू र हाम्रो वरपरको संसारको बारेमा बुझाइ थप मद्दत गर्दछ । अहिलेको समकालिन वैज्ञानिक संसारमा ज्योतिष शास्त्रको सान्दर्भिक कसरी हुन्छ त?
१. आफैलाई बुझ्न:
ज्योतिष शास्त्रको मुख्य उद्देश्य भनेको आफ्नो बारेमा बुझ्ने हो । ज्योतिष शास्त्रको मद्दत लिएर हामीले आफ्नै बारेमा अझ गहिराईमा बुझ्न गर्न सकिन्छ । हाम्रो जन्मको समयको आधारमा विभिन्न ग्रहहरू र खगोलीय पिण्डहरूको स्थितिको अध्ययन गरेर हाम्रो निश्चित व्यक्तित्व, विशेषता, प्रवृत्ति, र सम्भावित जीवन अनुभवहरू हुन्छन् भन्ने विश्वास ज्योतिष शास्त्रको हुन्छ । तर वैज्ञानिक ज्ञानले भने हाम्रो जीवनको भौतिक पक्षहरूमा मात्र ध्यान केन्द्रित गर्दछ । यसमा व्यक्ति विशेषको व्यक्तित्व, विशेषता, प्रवृत्ति, र सम्भावित जीवनको बारेमा भने जान्न कठिन हुन्छ । तर ज्योतिषशास्त्रको माध्यमबाट भने हामीले जन्म कुण्डलीको आधारमा पत्ता लगाइएका र स्वअध्ययनको तुलना गरि हामीले आफ्नो भावनाहरू, इच्छाहरू र प्रेरणाहरूको गहिराइ पत्ता लगाउन सक्छौं, जुन वैज्ञानिक अध्ययनबाट सम्भव नहुन सक्छ । यसले हामीलाई व्यक्तिगत विकास र आत्म-सुधार गर्न सक्षम बनाउन मद्दत गर्दछ ।
२. सम्बन्धहरू बुझ्न:
हाम्रो जीवनको अनुभवको केन्द्रबिन्दु भनेको सम्बन्धहरू हो, जस्तै बुवा, आमा, पति, पत्नी, साथीभाइसँगको सम्बन्ध । ज्योतिष शास्त्रको सहयताले व्यक्तिहरू बीचको सम्बन्धमा बहुमूल्य दृष्टिकोण प्रदान गर्न सक्छ । विभिन्न व्यक्तिहरूको जन्म कुण्डलीहरू तुलना गरेर उनीहरूको सम्बन्धमा हुन सक्ने सम्भावित अनुकूलता र चुनौतीहरू पहिचान गर्न सकिन्छ, चाहे त्यो प्रेम सम्बन्ध होस्, पारिवारिक सम्बन्ध होस्, वा व्यावसायिक सम्बन्ध होस् । ज्योतिषीय परामर्शले मानिसहरूको व्यवहारको बारेमा जस्तै बोलीचालीका तरिकाहरू, उनीहरूको भावनात्मक आवश्यकता र द्वन्द्वहरूका बारेमा पनि बुझ्न सकिन्छ, जसले हामीलाई त्यसैअनुसार अन्य व्यक्तिहरू प्रति सहानुभुती र समझदारी बढाउन मद्दत गर्छ । यो ज्ञानको आधारमा हामीले सम्बन्धहरूलाई अझ बलियो बनाइ सम्बन्धहरूको जटिलताहरू व्यवस्थापन गर्न सकिन्छ । यहि सम्बन्धहरूको बारेमा वैज्ञानिक अध्ययनबाट सहजै पत्ता लगाउन सकिदैन ।
३. सामयिक निर्णय लिन:
ज्योतिषशास्त्रले ब्रह्माण्डको ग्रह, नक्षत्र, आदिका आधारमा कुन समयमा कस्तो काम गर्न अनुकूल हुन्छ भनेर जानकारी दिन्छ । ग्रहहरूको अवस्था, आगमन, बहिर्गमन, उपस्थितिहरू अध्ययन गरेर ज्योतिषीहरूले हाम्रो जीवनमा शुभ र चुनौतीपूर्ण समयहरू पहिचान गर्ने गर्दछन् । यी ग्रहहरूको प्रभावहरू बुझ्दा हामीलाई कुन निर्णय कहिले गर्ने, नयाँ उद्यमहरूमा लाग्ने वा थप अनुकूल समयको लागि पर्खने भन्ने जस्ता निर्णय लिन मद्दत गर्न सक्छ । जबकि वैज्ञानिक ज्ञानले घटना वा कार्यहरूको तथ्यहरू मात्र प्रदान गर्दछ र कुन समय कुन कार्यको लागि उचित छ छैन भनेर जानकारी दिन कठिन हुन्छ । ज्योतिषशास्त्रको यो भिन्न किसिमको विश्लेषणले हामीलाई ग्रहहरूको प्रवाह अनुसार निर्णयहरू लिन प्रोत्साहित गर्छ र हाम्रो प्रयासहरूमा सफलताको सम्भावना पनि बढाउन सहयोग गर्छ ।
४. जीवनमा मार्गदर्शन खोज्न:
हाम्रो जीवनमा अनिश्चितताहरू धेरै हुन्छन् र त्यसको सामना गर्दा हामीहरू प्राय विज्ञानको क्षेत्रभन्दा बाहिर निस्केर मार्गदर्शन खोजीरहेका हुन्छाैँ । ज्योतिषीय परामर्शले हाम्रा जीवनका ती अनिश्चित घटनाहरूलाई बुझ्न र व्याख्या गरेर सान्त्वना दिन्छ । यसले हामीमा भएको कुनै शंका वा भ्रमको समयमा मार्गदर्शन प्रदान गर्छ । हामीलाई फराकिलो दृष्टिकोणबाट जीवनलाई हेर्न र तिनीहरूको अनुभवहरूमा अर्थ खोज्न पनि मद्दत गर्दछ । ज्योतिषशास्त्र हाम्रो जीवनको यात्रामा एक बहुमूल्य साथीको रूपमा कार्य गर्दछ, जसले चुनौतीपूर्ण परिस्थितिहरूको सामना गर्न प्रोत्साहन प्रदान गर्छ र मार्गदर्शन गर्न सहयोग गर्छ ।
समकालीन वैज्ञानिक युगमा, ज्योतिष शास्त्रले फरक धारणा दिन्छ जसले हामीलाई जीवनको मार्ग तय गर्न वा बुझ्न सान्दर्भिकता प्रदान गर्छ । यसले हामी आफू र सम्बन्धहरूलाई राम्रोसँग बुझ्न, उपयुक्त निर्णयहरू लिन र कठिन समयमा सान्त्वना लिन सक्षम बनाउँछ । जहाँ विज्ञानले तत्थ्यपरक आधार प्रदान गर्दछ भने ज्योतिष ज्ञानले हाम्रो जीवनमा गहिराइ र अर्थको तह थप्छ । ज्योतिष शास्त्रलाई एक साधनको रूपमा अँगालेर हामीले आफ्नो व्यक्तिगत वृद्धि र खुशीको खोजीमा सहजता प्रदान गर्छ ।
यदि हजुरहरूले पनि नेपालका प्रख्यात ज्योतिषहरूबाट आफ्नो बारेमा गहिराईमा बुझ्न, सम्बन्धहरूको बारेमा जानकार हुन, सामयिक विषयमा निर्णय लिन र जीवनमा मार्गदर्शन खोजिरहनु भएको छ भने हाम्रो ज्योतिष मार्फत सजिलै अनलाईन परामर्श लिन सक्नुहुन्छ ।
Liked by:
