World Theater Day/SEE 2075-Compulsory Maths | विश्व रङ्गमञ्च दिवस/SEE २०७५-अनिवार्य गणित | २०७५ चैत १३ | Hamro Patro
Make Kundali | Buy Tickets | Live Video Call

आउँदा दिनहरु

राशीफल

ब्लग / साहित्य

Mar/Apr 2019
२०७५ चैत
१३
बुधवार
Mar 27, 2019
सप्तमी
विश्व रङ्गमञ्च दिवस/SEE २०७५-अनिवार्य गणित ( World Theater Day/SEE 2075-Compulsory Maths )
MY NOTE
तपाईँले नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

विश्व रंगमञ्च दिवस




विश्व रंगमञ्च दिवस बिशेष अडियो सामाग्री

मञ्च अर्थात् प्रदर्शन या सम्बोधन गरिने ठाँउ । मञ्चमा धेरै कुराहरु मञ्चन हुन्छन् र यी धेरै कुराहरु धेरैजसो समाज अनि परिवर्तनका विषयमा हुने गर्दछन् । आज हामी रगंमञ्चको विषयमा बात मार्न जाँदैछौं किनभने हरेक वर्षको मार्च २७ तारिखमा विश्व रंगमञ्च दिवस मनाउने चलन छ । मार्च २७ को यो चलन सन् १९६१ बाट सुरु भएको हो । युनेस्कोले मार्च २७ लाई रंगमञ्च दिवस मनाउने घोषणा सन् १९४८ मा नै गरेको हो र सन् १९६१ बाट यस दिवसले साकारोक्ति पाएको हो । यस दिवसमा गाउँ देखि शहर अनि विदेश सम्म विभिन्न कार्यक्रम आयोजना गरेर समाजका विभिन्न अवयवहरुलाई मञ्चन गर्दै विश्व रंगमञ्च दिवस मनाउने गरिन्छ । 

मुख्यतया विश्वभरका कलालाई प्रवर्धन गर्न, कलाको महत्व विश्वमा थप बढाउन र नृत्य अनि अभिनय लगायतका कलाका विधालाई थप चौडा भएर विश्व भरि महत्व दिलाउन यस दिवसको आयोजना गरिन्छ । यसो गर्नाले रंगमञ्च अनि कला र कलाकर्मीको राष्ट्रिय र विश्व स्तरमा महत्व अनि कला प्रतिको मोह बढ्ने हुन्छ । 

विश्व रंगमञ्च दिवसको संस्थागत अनुगमन र आयोजना भने फ्रान्सको पेरिस स्थित इन्टरनेशनल थीएटर इन्सटीट्युटले गर्दछ । सामान्यतया यस दिवसको आयोजना फ्रान्सको पेरिस कै थीएटर हलमा गरिन्छ तर कहिलेकाँही आवश्यकता अनुरुप ठाउँ परिवर्तन पनि गरिएको इतिहास छ । यसरी कार्यक्रममा ५ वटा मुख्य सन्देशहरु भेला पारिएका हुन्छन् जुन एसिया, अरब क्षेत्र, युरोप, अफ्रिका र अमेरिकाका प्रतिनिधि लेखक या कलाकारका सन्देश हुन्छन् । यिनै सन्देशहरु साथ ५ वटा द्वीप प्रज्जवलन गरेर औपचारिक कार्यक्रम सुरुवात गरिन्छ । 

रंगमञ्च एउटा बहुतै विषयगत तथ्य हो जसको आ–आफ्नै तवरले व्याख्या गरिएको हुन्छ। कसैले जीवनलाई रंगमञ्च मान्दछन् त कतिले जिन्दगीलाई नाटक, जे जसो भएपनि अभिनय, रंग, संगित, कला, संवाद अनि साधनाले रंगमञ्चलाई मानव संग अत्यन्त निकट मानेका छन् । रामलीला मञ्चन देखि विभिन्न विदेशी र स्वदेशी नाटक सम्म, श्यामस्वेत चलचित्र देखि थ्री डी सम्म रंगमञ्चले यात्रा तय गरेको छ । अहिले त नेपालमा पनि विभिन्न थीएटर अनि कलाकर्मीहरुको जमर्काे देख्न सकिन्छ, थीएटरले प्रस्तुत गर्ने नाटक अनि अभिनयमा डुबुल्की मार्दै हामी एकै ठाउँमा बसी बसी विभिन्न अनुभव संगाल्न सक्दछौं । नेपालको सामाजिक अनि राजनैतिक परिवर्तनमा नेपाली रंगमञ्चको ठुलो भूमिका छ, प्रजातन्त्रको प्राप्तीका लागि नेपाली रंगमञ्चले विभिन्न सेन्सरशीप र पक्राउ पुर्जीहरुको सामना गरेको छ । अहिले पनि रंगमञ्चलाई नै आधार बनाएर जीवनयापन गर्दछु भन्दा सहज परिस्थिति सबैको छैन तथापी पछिल्ला दिनमा नेपाली रंगमञ्चमा व्यवसायिक परिवर्तन अनि प्रविधि भने यथेष्ट भित्रिएको छ । 

सडक नाटक देखि सीनेमाका पर्दा सम्म, प्रदर्शनी केन्द्र या राष्ट्रिय सभा अनि विभिन्न क्षेत्रीय हलहरुमा सम्म नेपाली रंगमञ्चका उत्पादनहरु देख्न पाइन्छन् । नेपाली रंगमञ्चले नेपाली जीवनमा थप रंग र जागरण फैलाउन सकोस्, नेपालीपनाको विश्व भरि नै पहिचान स्थापीत गर्न नेपाली रंगमञ्च कायम होस् । पर्दा उठोस् अनि पर्दा झरोस् , नेपथ्यमा शान्ति होस्, दर्शक दिर्घामा ताली होस्, हाँसो फुटोस्, आँसु झरोस् अनि पात्रहरु जीवनभर रहि रहुन् ।
विश्व रंगमञ्च दिवसको शुभकामना ।

हाम्रो पात्रोका लागि सुयोग ढकाल



आउँदा दिनहरु

राशीफल

ब्लग / साहित्य

Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.