Radhastami Barta | राधाष्टमी व्रत | २०७६ कार्तिक ४ | Hamro Patro

राधा अष्टमी

भाद्र शुल्क पक्षको अष्टमी तिथिमा वृन्दावन नजिकै वर्सानामा राधाजीको जन्म भएको थियो र यसै दिनलाई राधा अष्टमीको नामले लोकमा प्रसिद्ध छ । राधाजीको जन्म भगवान् श्रीकृष्णको साथ जगतमा प्रेम भावलाई सार्थक गराउन भएको हो भन्ने मान्यता छ । जो व्याक्क्ति प्रेममा लीनहुन्छ त्यो राधाकृष्णको ज्वलन्त उदाहरण बन्दछ ।

जब हामी श्रीकृष्णको नाम लिन्छैँ त्यसबेला राधाजीको नाम पनि संगै जोडिएर आउँछ । किनकी सबै भक्त राधेकृष्ण भनेर भन्ने गर्दछन् यो नाम दुई भएता पनि एक अर्काका लागि नै बनेको हो । यसलाई कसैले पनि अलग्याउन सक्दैन ।

राधा अष्टमीको नामले यो व्रतलाई चिनिन्छ, यो दिनको व्रत गर्नाले मनुष्य जीवनमाधनको कहिले कमि नहुने, घर परिवारमाप्रेम भाव बढ्ने र अन्त्यमा गौलोकमा पनि सुखद् जीवन पाईने कुरा शास्त्रोक्त रहेको छ ।

यसदिन विहान आफ्नो नित्यकर्म सकेर राधाजीको लागि सुन्दर मण्डप या आसन बनाएर राधाजीको मुर्तिलाई वस्त्र एवं आभूषणले सुसज्जित गर्ने र शोडशोपचार्ले या जे सामग्री उपलब्ध हुन्छ त्यसै सामग्री द्वारा श्रद्धा एवं भक्तिले पूजा गर्नु पर्दछ । विचारनीय कुरा के छ भने, यो पूजा मध्यान्ह कालमा नै गर्नु पर्दछ । यसरी गरिएको पूजा पश्चात् दिनभरि नै व्रत बस्ने या एक समय भोजनपनि गर्न सकिन्छ । व्रतको भोलिपल्ट विवाहिता व्रह्मण तथा व्राह्माणीलाई भोजन गराएर दक्षिणा दिने विधान छ ।

भगवान् श्रीकृष्ण ले शंकरजी संग भन्नु भएको छ कि यदि जो कोहि भक्तले मलाई प्राप्त गर्न चाहन्छ भने, मेरी प्रियतमा श्रीराधालाई प्रसन्न बनाए हुन्छ, अतः श्रीराधाजीलाई प्रसन्न बनाउन श्रीकृष्णको र श्रीकृष्णलाई प्रसन्न बनाउन श्रीराधाजीको आराधना गर्नु पर्दछ । अस्तु ।।

- प. नारायणप्रसाद दुलाल