Gosaikunda Snan Aarambha/Dasahara Snan Arambha | गोसाइकुण्ड स्नान आरम्भ/दशहरा स्नान आरम्भ | २०७८ जेठ २८ | Hamro Patro

आउँदा दिनहरु

राशीफल

साहित्य / ब्लग

May/Jun 2021
२०७८ जेठ
२८
शुक्रवार
Jun 11, 2021
Pratipada
गोसाइकुण्ड स्नान आरम्भ/दशहरा स्नान आरम्भ ( Gosaikunda Snan Aarambha/Dasahara Snan Arambha )
MY NOTE
तपाईँले आजको मिति पछि को नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

गोसाइँकुण्ड स्नान आरम्भ | दशहरा स्नान आरम्भ




गोसाइँकुण्ड स्नान आरम्भ विशेष अडियो सामग्री

जीवनमा एकपटक पुग्नैपर्ने ठाउँ गोसाईंकुण्ड हो । आजको दिनबाट हजारौँ भक्तालुहरू अनेक जनविश्वासका साथ वर्षेनि कुण्डमा स्नान गर्न जाने परम्परा छ । काठमाडौंबाट उत्तरी दिशाको रसुवा जिल्लामा पर्ने पवित्र तीर्थ गोसाईंकुण्ड स्नान गर्ने भक्तजनको आगमन आजबाट दशमीको तिथिसम्म दिन प्रतिदिन बढ्दै जाने गर्छ । तर, यसपालि कोभिड महामारी र निषेधाज्ञाका कारण यस्तो दृश्य देख्न सकिन्न ।
यसरी दशमीसम्म चल्ने पवित्र स्नानको शृंखलालाई दशहरा स्नानका रूपमा पनि लिइन्छ । दशहरा स्नान अवधिभरि सनातन दर्शनका अनुयायीले सखारै उठेर कुण्डमा जाने अनि स्नान गर्ने चलन छ । ज्येष्ठ महिनाको गर्मीमा अनि धानको रोपाइँ शुरु हुनुअघिको दशहरा स्नानले कृषि कार्य र आउँदो वर्खायामका लागि तयारी गराउँछ ।

समुद्र मन्थन गरेर निस्किएको विषबाट सारा जगतलाई जोगाउन भगवान शिवले पिएको त्यो विष घाँटी अड्किएको र त्यो विषसहित निलाद्री पर्वत पुग्नुभएको विश्वास छ । सबै देवताहरू त्यो विषको व्यवस्थापन गरी दिनु पर्यो भनी भगवान शिवसमक्ष पुगेपछि शिवले त्यो विष आफूले पिएका थिए । तर त्यो विष घाँटीमा अड्किएपछि छटपटी शान्त पार्न भौतारिँदा शिव भगवान निलाद्री पर्वतमा पुगी त्रिशुल भित्तामा प्रहार गर्नुभयो । त्यसपछि त्यहाँ धारा बनेको र त्यही धाराबाट बगेर आएको पानीले कुण्ड बनेको विश्वास गरिन्छ । त्यही कुण्डमा भगवान शिवले विषको औडाह शान्त पारी त्यही आफू रहनु भएको धार्मिक विश्वास छ । त्यसैले पनि गोसाईंकुण्डमा स्नान, दान र तर्पण गर्नाले पितृहरू उद्धार भई स्वर्ग जाने, जीवनभर गरेको पापबाट मुक्ति पाउने र आफ्नो मनोकांक्षा पूरा हुने धार्मिक मान्यता छ ।

दशहरा स्नान आरम्भ


ज्येष्ठ शुक्ल प्रतिपदाको महत्व अत्यधिक छ । आजको तिथिमा नै वैदिककालमा भागिरथीले गंगाको पृथ्वीलोकमा आगमन गराएका हुन् । यस अगाडि पवित्र गंगा देवलोकमा मात्र बहने गरेको तर यसपछि गंगाको अवतरण पृथ्वीलोकमा भएको विश्वास छ । यसरी ज्येष्ठ शुक्ल प्रतिपदाको माता गंगाको आगमनको तिथिमा तुलसीको बिज रोपेर अनि पवित्र स्नानको शृंखलाहरू शुरु गर्ने चलन छ । यिनै स्नानको शृंखलालाई दशहरा स्नान भनिन्छ ।

प्रतिपदादेखि एकादशीसम्म १० दिन चल्ने पवित्र स्नानका यी शृंखलाहरूमा हरेक दिन एकप्रकारको पाप नाश हुने विश्वास छ । यसरी दश दिनमा दश प्रकरका पापहरूबाट मुक्ति पाउने भएकाले नै दशहरा स्नान भनिएको हो । ज्येष्ठ शुक्ल प्रतिपदादेखि एकादशीसम्मका ११ दिन गङ्गा वा नदी किनारमा गई स्नान गरेमा दश प्रकारका पाप नाश हुने धार्मिक विश्वास छ ।

कसैले नदिई कुनै वस्तु लिनु, विनायज्ञ हिंसा गर्नु, परस्त्रीगमन गर्नु, कठोर वचन बोल्नु, असत्य बोल्नु, परनिन्दा गर्नु, बेमतलबको प्रलाप गर्नु, अरूको सम्पत्ति हडप्ने इच्छा राख्नु, अरूलाई हानि पुर्याउने इच्छा राख्नु र विनाकारण दुराग्रह राख्ने जस्ता पाप ११ दिनको गङ्गा, त्रिवेणी वा नदीमा गई स्नान गरेमा नाश हुने शास्त्रीय मान्यता छ ।

कोरोना संक्रमण जोखिमले सुनसान बनाएका तीर्थस्थल र नदीनालाहरू भक्तजनको आगमनका लागि व्यग्र छन् । आशा छ, यो वर्षको दशहरा व्रतका शृंखलाहरूले अदृश्य भाइरसको प्रकोप पनि बगाएर लगोस् । यो वर्ष घर–घरमा नै बसेर दशहरा स्नान गरिनेछ । पापहरू बगून्, पुण्य बढून् ।

हाम्रो पात्रोका लागि सुयोग ढकाल



आउँदा दिनहरु

राशीफल

साहित्य / ब्लग

Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.